«Қашықтан оқыту кезінде қалыптастырушы бағалау және кері байланысты тиімді жүзеге асырудағы онлайн-платформалардың мүмкіндіктері» әдістемелік онлайн-семинардың ҚОРЫТЫНДЫСЫ
2021 жылдың 5 қаңтарында Шығыс Қазақстан облысы білім басқармасының «Шығыс» өңірлік орталығы облыстың жалпы білім беретін мектептерінің тарих пәні мұғалімдері үшін «Атамекен » қауымдастығы жұмысы шеңберінде «Қашықтан оқыту кезінде қалыптастырушы бағалау және кері байланысты тиімді жүзеге асырудағы онлайн-платформалардың мүмкіндіктері» әдістемелік онлайн-семинар өткізілді.
Семинардың мақсаты - қашықтан оқыту кезінде қалыптастырушы бағалау және кері байланысты тиімді жүзеге асырудағы онлайн-платформалардың мүмкіндіктерін қолдану және оқушылардың білімін уақытылы бағалау мен оқушылардың материалды игеру деңгейін сараптауға бағытталған педагогикалық іс-әрекеттер мен тәсілдерді қалыптастыру бойынша тәжірибе алмасу.
Онлайн-семинарға облыстың жалпы білім беретін мектептерінің 100-ден артық тарих пәні мұғалімдері қатысты.
Онлайн-семинарда пән ассоциация мүшелері - Өскемен қаласы «№46 орта мектеп» КММ тарих пәні мұғалімдері:
Райымханова Әсем Муратбекқызы педагог-зерттеуші «Қалыптастырушы бағалау және кері байланысты «Learning Apps.org» платформасын қолдану»;
Мусаипов Дастан Фархатұлы педагог-модератор «Қалыптастырушы бағалау және кері байланысты «Online test pad» платформасын қолдану»;
Мухамедуалиева Гульнура Тлеухановна педагог-эксперт «Қалыптастырушы бағалау және кері байланысты «Google Forms» платформасын қолдану» тақырыптарында өз іс-тәжірибелерімен бөлісті.
Сөйлеушілер «Қазақстан тарихы», «Дүние жүзі тарихы» пәндері бойынша қашықтан оқыту жағдайында оқушылардың білімін қалыптастырушы бағалау және кері байланыс жасау үрдісін онлайн -платформалар арқылы тиімді жүргізу бойынша сабақтың үздік үзінділерін ұсынды. Онлайн-семинар барысында қатысушы мұғалімдер қашықтан оқыту жағдайында оқушылардың білімін қалыптастырушы бағалау және кері байланыс жасау үрдісін онлайн -платформалар арқылы тиімді жүргізу бойынша ұсыныстар алды. Баяндамашыларға сұрақтар қойып, қатысушылар тиімді платформалар туралы пікір алмасты.
Іс-шараға жауапты: Абраимова Бахыт Касеновна, ШҚО ББ «Шығыс» ӨО оқыту мазмұны мен білім беру сапасы мониторингі кабинетінің тарих пәні әдіскері.