«Үздік биология пәні мұғалімі-2020» облыстық конкурсының БАСПАСӨЗ ХАБАРЛАМАСЫ

Шығыс Қазақстан облысы білім басқармасының «Шығыс» өңірлік орталығы «Рухани жаңғыру» бағдарламасының «Ұстазым-мақтанышым» жобасы аясында биология  пәні мұғалімдеріне арналған «Үздік биология пәні мұғалімі-2020» облыстық  конкурсын өткізеді.

Өтетін орны: ШҚО ББ «Шығыс» ӨО.

Өткізу форматы: қашықтықтан.

Өтетін мерзімі: 2020 жылдың 11-13 қараша аралығы.

Ұйымдастырушы: оқыту мазмұны мен білім беру сапасы мониторингі кабинеті ШҚО ББ «Шығыс» ӨО.

Конкурстың мақсаты – биология пәнінің шығармашыл мұғалімдерін анықтау, ынталандыру және қолдау, биология пәні мұғалімдерінің озық педагогикалық тәжірибесін тарату және Шығыс Қазақстан облысының мектептерінде биология пәнін оқыту сапасын арттыру. Конкурсқа аудандық (қалалық) кезең жеңімпаздары қатысады.

Міндеттері:

• Биология пәнін оқытудағы озық тәжірибелерді анықтау және тарату;
• Биология пәнін оқытуда мұғалімді инновациялық тәсілдерді енгізуге ынталандыру;
• Биология пәні мұғалімдерінің білім беру қызметінің тиімділігін зерттеу;
• облыстың білім беру ұйымдарының табысты мұғалімдерінің деректер қорын құру;
• Биология пәні мұғалімдерінің жағымды әлеуметтік және кәсіби имиджін қалыптастыру;
• білім беру ұйымдарының ғылыми-әдістемелік қамтамасыз етілуін жетілдіру;
• биология пәні мұғалімдерінің білім беру жүйесін дамытуға қосқан үлесін қоғамдық түрде мойындау.

       Конкурс ережесіне сәйкес қатысушыларға төмендегідей тапсырмалар ұсынылады:

• «Мен табысты ұстазбын» - интерактивті таныстырылым;
• «Менің инновациялық жобам» - авторлық бағдарламалар, жобалар қорғау;
• «Мектептегі үздік онлайн биология сабағы» - қатысушы өзінің сабағын бейнежазба түрінде ұсынады.

Жүлдегерлер Шығыс Қазақстан облысы  білім басқармасының І, ІІ, ІІІ дәрежелі дипломдарымен және сертификаттармен марапатталады.

Іс-шараға жауапты: Нұрбекова Аяулым Нұрбекқызы, ШҚО ББ «Шығыс» ӨО оқыту мазмұны мен білім беру сапасы мониторингі кабинетінің биология пәні бойынша әдіскері, тел.номері 87782422152