Облыстық «Үздік ауыл мұғалімі -2020» байқауының баспасөз хабарламасы

Облыстық «Үздік ауыл мұғалімі -2020» байқауы «Рухани жаңғыру» бағдарламасының «Туған жер» арнайы жобасының аясында өткізіледі.

Өтетін орны: қашықтықтан «Шығыс» ӨО ББ ШҚО.

Өтетін мерзімі: 29 қазан -3 қараша 2020 жылы.

Ұйымдастырушылар: оқыту мазмұны және білім беру сапасының мониторинг кабинеті ШҚО ББ «Шығыс» өңірлік орталығы.

Мақсаты:  облыстың шағын жинақталған мектептерінің шығармашылықпен жұмыс істейтін мұғалімдерін анықтау, ынталандыру және қолдау, мұғалімдердің педагогикалық озық тәжірибесін тарату, сонымен қатар оқытудың сапалы деңгейін арттыру.

Міндеттері:

• шағын жинақталған мектеп мұғалімдерінің озық тәжірибесін анықтау және тарату;
• оқытудағы инновациялық тәсілдерге ынталандыру;
• мұғалімдердің білім беру қызметінің тиімділігін зерттеу;
• облыстың білім беру ұйымдарының табысты мұғалімдерінің деректер қорын құру;
• мұғалімдердің жағымды әлеуметтік және кәсіби имиджін қалыптастыру;
• білім беру ұйымдарының ғылыми-әдістемелік қамтамасыз етілуін жетілдіру.

«Үздік ауыл мұғалімі -2020» байқауы екі кезеңнен тұрады:

бірінші кезең – аудандық (қалалық): өткізу мерзімі 2020 жылдың 20 қазанына дейін;

екінші кезең – байқаудың облыстық кезеңі: өткізу мерзімі 2020 жылғы 29 қазаннан -3 қараша дейін.

Байқау барысында шағын жинақталған мектеп мұғалімдерінің кәсіби қасиеттері мен жоғары шығармашылық әлеуеті анықталады. Байқау келесі тапсырмаларды қамтиды:

1. «Мен табысты ұстазбын» - мұғалімнің жетістіктерін презентация артқылы көрсету.
2. «Шағын жинақталған мектептегі үздік сабақ» біріктірілген сыныптарда: қатысушы өзінің сабағын бейнежазба түрінде ұсынады.

Жеңімпаздар ШҚО ББ «Шығыс» өңірлік орталығының І, ІІ, ІІІ дәрежелі дипломдарымен марапатталады және қатысқан мұғалімдерге сертификаттар   беріледі.

Жоспарланған қамту - 500 адам.

Іс-шараға жауапты: Бошаева Гульнара Манашевна, ШҚО ББ «Шығыс» ӨО оқыту мазмұны және білім беру сапасының мониторинг кабинетінің шағын жинақталған мектептерді дамыту бойынша әдіскері, ұялы телефон 87772380925.