«Өмірдегі математика: функционалдық сауаттылықты қалыптастыру»

Функционалдық сауаттылық-бұл мектепте алған білімі мен дағдыларын өмірде қолдана білу. Бұл мектепте оқу кезінде қол жеткізуге болатын білім деңгейі, оның әртүрлі салаларындағы өмірлік міндеттерді шешуге мүмкіндік береді.

Функционалдық сауаттылықтың құрамдас бөліктерінің бірі-оқушылардың математикалық сауаттылығы. Математикалық сауаттылықты меңгерген оқушылар: қоршаған шындықта туындайтын және математика арқылы шешілуі мүмкін мәселелерді тани алады; бұл мәселелерді математика тілінде тұжырымдау; математикалық фактілер мен әдістерді қолдана отырып мәселелерді шешу; қолданылған шешу әдістерін талдау; алынған нәтижелерді берілген мәселені ескере отырып түсіндіру; шешімнің нәтижелерін тұжырымдау және жазу

«Örken» Шығыс Қазақстан өңірлік ақпараттандыру және білім беруді дамыту ғылыми-әдістемелік орталығы» КММ Өскемен қаласы ЖМБ НЗМ-дан математика пәнінің мұғалімі Рүстем Қабдықарымұлы Тюлюбергеневпен бірлесіп, облыс мектептерінің математика пәні мұғалімдеріне арналған «Өмірдегі математика: функционалдық сауаттылықты қалыптастыру» тақырыбында семинар-практикум өткізді.

Семинар-практикумның мақсаты: оқушылардың функционалдық сауаттылықтарын дамыту үшін мұғалімдердің кәсіби құзыреттіліктерін арттыру. Семинар – практикум бағдарламасы 2 бөлімнен тұрды: теориялық және практикалық.

Семинардың теориялық бөлігі:

функционалдық сауаттылық ұғымымен таныстыру. Математика сабағында функционалдық сауаттылықты қалыптастырудың ерекшеліктері.

Практикалық бөлімде функционалдық сауаттылықты дамытуға бағытталған математикалық есептердің мысалдары, қолданбалы есептер арқылы математикалық сауаттылықты дамыту әдістерін талдау, өмірмен байланысты тәжірибеге бағытталған тапсырмаларды енгізу.

Семинарда мұғалімдер оқушылардың функционалды сауаттылықтарын дамыту жайлы білімдерін тереңдетіп қана қоймай, сабақтарда тапсырмаларды пайдалану арқылы тәжірибеде қолдана алады.