Кәсіптік білім беру

ШҚО ТжКББ жүйесінде 2024 жылы 38 колледж, оның ішінде 23 мемлекеттік, 15 жеке меншік колледж жұмыс істейді. Онда 19 мыңнан астам студент, оның 16747 - і мемлекеттік тапсырыс бойынша оқиды. Кәсіптік даярлау 73 мамандық бойынша жүргізіледі. ШҚО ТжКББ жүйесінде 1657 инженер-педагог қызметкер жұмыс істейді.

«Баршаға арналған тегін ТжКБ» жобасын іске асыру үшін облыста жыл сайын колледждерге түсуге мемлекеттік тапсырыс ұлғаюда.

Облыстың 27 колледжінде 5030 студент дуальды жүйе бойынша даярлануда. Онда ауыл шаруашылығы, көлік, құрылыс, тамақ, тау-кен өндіру, қызмет көрсету, байланыс және ақпараттық технологиялар, энергетика салаларына 44 мамандық бойынша колледждердің 448 әлеуметтік серіктес кәсіпорындарын тарта отырып, мамандар даярлау жүргізіледі.