Кәсіби мереке – Теміржолшылар күні қарсаңында қайта жаңғыртудан өткен Күмістау теміржол вокзалының салтанатты ашылу рәсімі өтті.
Бұл айтулы оқиға теміржол саласының ардагерлері мен қызметкерлерінің басын қосты. Салтанатты рәсімге Алтай ауданының әкімі Құрмамбаев Ренат Тілеуханұлы қатысып, жиналған қауымды келе жатқан кәсіби мерекемен құттықтады. Ол теміржолшылардың адал әрі қажырлы еңбегі үшін шынайы ризашылығын білдіріп, баршаңызға зор денсаулық, отбасыларыңызға амандық, елімізге тыныштық және толайым табыс тіледі.
Іс-шараға құрметті қонақ ретінде «Қазақстан темір жолы» ҰК» АҚ Магистральдық желі филиалы Семей магистральдық желі бөлімшесінің вокзал шаруашылығы, ғимараттар және инженерлік желілер жөніндегі директордың орынбасары Азимканов Нұрлан Жақалықұлы, сондай-ақ Күмістау станциясының вагон қараушысы, теміржол саласының ардагері Нұғыманов Жұмажан Сағидолдинұлы қатысты.
Жаңартылған Күмістау вокзалы – заманауи көлік инфрақұрылымының нысаны ғана емес, сонымен қатар Серебрянск қаласының дамуына серпін беретін маңызды жоба. Жүргізілген қайта жаңғырту жолаушыларға қолайлы жағдай жасап, қызмет көрсету сапасын арттыруға мүмкіндік береді және қаламыздың өркендеуі мен дамуының тағы бір жарқын белгісіне айналады.
Теміржол саласының барлық қызметкерлері мен ардагерлерін кәсіби мерекелерімен шын жүректен құттықтаймыз! Еліміздің көлік саласының дамуына қосып жүрген өлшеусіз үлестеріңіз үшін алғыс білдіреміз. Еңбектеріңіз әрдайым жоғары бағаланып, мерейлеріңіз үстем, дендеріңіз сау, отбасыларыңыз аман, ал әр сапарларыңыз сәтті болсын!
«ШҚО Алтай ауданы Средигорное ауылдық округі әкімінің аппараты» ММ-де «Средигорное ТКШ» ЖШС өкілдерінің қатысуымен көппәтерлі тұрғын үйлердің үй басқарушыларымен алдағы жылыту маусымына тұрғын үй қорын дайындау мәселелері бойынша жұмыс кеңесі өткізілді.
Кездесу барысында көппәтерлі тұрғын үйлердің жылу энергиясын қабылдауға дайындығы, үйішілік инженерлік жылу жүйелерін уақтылы дайындау жөніндегі іс-шараларды жүргізу қажеттілігі және жылыту маусымына дайындық актілерін алу мәселелері қаралды.
«Средигорное ТКШ» ЖШС өкілдері көппәтерлі тұрғын үйлерді жылыту маусымына дайындау тәртібін, үйішілік жылумен жабдықтау жүйелерінің техникалық жай-күйіне қойылатын талаптарды түсіндіріп, сондай-ақ үй басқарушылары тарапынан қойылған сұрақтарға жауап берді.
Кеңес барысында Қазақстан Республикасының қолданыстағы заңнамасында көзделген іс-шараларды уақытылы орындаудың маңыздылығына ерекше назар аударылды. Себебі көппәтерлі тұрғын үйлерді жылыту маусымына сапалы дайындау күзгі-қысқы кезеңде тұрғындарды тұрақты әрі үздіксіз жылумен қамтамасыз етудің негізгі шарттарының бірі болып табылады.
Кеңес қорытындысы бойынша көппәтерлі тұрғын үйлердің үй басқарушыларына тұрғындармен қажетті дайындық жұмыстарын ұйымдастыру, сондай-ақ үйлердің жылыту маусымына дайындығын растайтын құжаттарды уақытылы рәсімдеу мақсатында «Средигорное ТКШ» ЖШС-мен өзара іс-қимылды қамтамасыз ету ұсынылды.
Бүгін Алтай қаласында магниттік-резонанстық томография (МРТ) кабинетінің салтанатты ашылу рәсімі өтті. Жаңа МРТ кабинеті мемлекетке қайтарылған қаражат есебінен ашылды. Бұл – қайтарылған қаражаттың әлеуметтік маңызы бар жобаларды жүзеге асыруға және денсаулық сақтау жүйесін дамытуға тиімді бағытталып отырғанының айқын көрінісі.
Заманауи магниттік-резонанстық томографтың пайдалануға берілуі Алтай қаласы мен аудан тұрғындары үшін сапалы медициналық көмектің қолжетімділігін арттырудағы маңызды қадам болды. Енді тұрғындар жоғары дәлдіктегі диагностикалық тексеруден тұрғылықты жерінде өте алады. Бұл ауруларды дер кезінде анықтауға, емдеуді уақтылы бастауға және көрсетілетін медициналық көмектің тиімділігін арттыруға мүмкіндік береді.
Салтанатты ашылу рәсіміне медициналық қоғамдастықтың өкілдері, мемлекеттік органдардың қызметкерлері және жұртшылық қатысты.
Іс-шараны ашқан Алтай ауданының әкімі Ренат Тілеуханұлы Құрмамбаев денсаулық сақтау саласын дамыту мемлекеттік саясаттың басым бағыттарының бірі екенін атап өтті. Оның айтуынша, магниттік-резонанстық томография кабинетінің ашылуы аудан тұрғындары үшін үлкен маңызға ие, өйткені заманауи диагностикалық құрал-жабдықтар жоғары технологиялық медициналық көмекті өз ауданында алуға мүмкіндік береді. Сондай-ақ, бұл жобаның мемлекетке қайтарылған қаражат есебінен жүзеге асырылғанын, ал бұл қаражат бүгінде әлеуметтік инфрақұрылымды дамытуға және халықтың өмір сүру сапасын арттыруға бағытталып отырғанын жеткізді.
Өз сөзінде аудан прокуроры Ержан Ерболұлы Рыспаев МРТ кабинетінің ашылуы мемлекетке қайтарылған активтердің қоғам игілігіне тиімді пайдаланылып жатқанының жарқын үлгісі екенін атап өтті. Ол бұл қаражаттың әлеуметтік маңызы бар жобаларға бағытталуы денсаулық сақтау жүйесін дамытуға, медициналық қызметтердің қолжетімділігін арттыруға және азаматтардың өмір сүру сапасын жақсартуға ықпал ететінін айтты.
Ауданаралық аурухананың бас дәрігері Олжас Зейноллаұлы Нүрекенов магниттік-резонанстық томография кабинетінің ашылуы медициналық ұйым мен ауданның денсаулық сақтау жүйесі үшін маңызды оқиға екенін атап өтті. Оның айтуынша, жаңа МРТ аппараты аурухананың диагностикалық мүмкіндіктерін едәуір кеңейтіп, тексерулердің сапасы мен жеделдігін арттыруға, сондай-ақ аудан тұрғындарын жоғары технологиялық медициналық көмекпен қамтамасыз етуге мүмкіндік береді. Сонымен қатар, ол денсаулық сақтау саласына көрсетілген мемлекеттік қолдау үшін алғысын білдіріп, аурухана ұжымы жаңа құрал-жабдықты тиімді пайдаланып, әрбір тұрғынның сапалы диагностикалық көмек алуына бар күш-жігерін салатынын жеткізді.
Денсаулық сақтау саласының ардагерлері атынан Наталья Юрьевна Салиенко сөз сөйледі. Ол жобаның жүзеге асуына үлес қосқан барша азаматтарға шынайы алғысын білдіріп, медицина саласында еңбек еткен жылдары денсаулық сақтау жүйесіндегі оң өзгерістердің куәсі болғанын атап өтті. Оның айтуынша, заманауи магниттік-резонанстық томографтың іске қосылуы медицина қызметкерлері үшін де, аудан тұрғындары үшін де аса маңызды оқиға. Наталья Юрьевна аурухана ұжымына кәсіби табыс, ал жаңа құрылғыға халық игілігі жолында ұзақ жылдар бойы қызмет етуіне тілектестік білдірді.
Салтанатты түрде лентаны қию құрметі аудан медицинасының ардагерлері Наталья Юрьевна Салиенко мен Жүнісбек Қалымжанұлы Нұрскеновке берілді. Олар өңірдің денсаулық сақтау саласының дамуына ұзақ жылдар бойы сүбелі үлес қосқан азаматтар.
Ресми рәсімнен кейін қонақтар жаңа кабинетті аралап, заманауи жабдықтың мүмкіндіктерімен танысты. Мамандар магниттік-резонанстық томографтың жұмыс қағидаттары, техникалық сипаттамалары, ауруларды ерте анықтау мен тиімді ем жүргізудегі маңызы туралы жан-жақты ақпарат берді.
МРТ кабинетінің ашылуы ауданның денсаулық сақтау жүйесін дамытудағы, медициналық көмектің сапасы мен қолжетімділігін арттырудағы маңызды қадам болды. Жаңа жабдық ауданаралық аурухананың диагностикалық мүмкіндіктерін едәуір кеңейтіп, тұрғындарды заманауи жоғары технологиялық медициналық көмекпен қамтамасыз етуге жол ашады және алдағы уақытта халық денсаулығын сақтауға, адам өмірін қорғауға ұзақ жылдар бойы қызмет етеді.
2026 жылғы 26 сәуірде Чернобыльская АЭС-дағы апатқа 40 жыл толады. Бұл — адамзат тарихындағы ең ірі техногендік апаттардың бірі болып, бүкіл әлемде ядролық қауіпсіздік жүйесінің дамуына түбегейлі әсер етті. Апат салдарынан станцияның төртінші энергоблогы қирап, қоршаған ортаға радиоактивті заттардың ауқымды таралуына әкелді. Оның зардаптары миллиондаған адамдардың тағдырына әсер етіп, бұл қайғылы оқиға тәуекелдерді бағаламаудың қаншалықты ауыр салдарға әкелетінінің айқын көрінісіне айналды. Бұл тарихта апат салдарын жоюға қатысқан азаматтардың орны ерекше. Олар өмірі мен денсаулығына қауіп төнгеніне қарамастан, апаттың салдарын еңсеруге бар күш-жігерін жұмсады. Олардың ерлігі, жанқиярлығы мен борышқа адалдығы әрдайым шынайы қаһармандықтың үлгісі болып қала береді. Осы атаулы күн қарсаңында Средигорное ауылдық округінің әкімі Мамырханов А.Н. Чернобыль АЭС-індегі апаттың салдарын жоюға қатысушылар — Клиновицкий Ю.И. мен Соков А.А.-ға медальдар табыстап, олардың ерлігі мен болашақ ұрпақтың қауіпсіздігіне қосқан үлесі үшін шынайы алғысын білдірді.
13.04.2026 ж. Средигорный ауылдық округінің әкімі Мамырханов А.Н. тұрғындармен кездесу өткізді. Кездесу барысында аулалар мен ауыл аумағын абаттандыруға және санитарлық тазалауға бағытталған «Таза Қазақстан» республикалық экологиялық акциясын өткізу мәселелері қаралды. Сондай-ақ жеке меншік мал басын жаюды ұйымдастыру, белгіленген ережелерді сақтау және бақылаусыз жайылымға жол бермеу мәселелері талқыланды. Кездесу қорытындысы бойынша тұрғындарға тиісті түсіндірмелер беріліп, басым міндеттер айқындалып, округті абаттандыру бойынша алдағы жоспарлар белгіленді.
Күн менен түн теңеліп, Жер-Ана жаңа күйге еніп, тіршілік атаулы оянып, айнала мәре-сәре болатын Ұлыстың ұлы күні –жыл бастауы әз-Наурыз баршаңызға құтты болсын!
Ежелден барша түркі жұртына және Шығыс халқына ортақ, бесмыңжылдық тарихы бар Наурыз мейрамы –береке мен бірліктің, молшылық пен тоқшылықтың мерекесі.
Бұл күнге де аман-есен жеттік деп қуанған халық бір-бірімен қуана көрісіп, өкпе-ренішті ұмытып, бір қазаннан Наурыз көже ішіп, тойлатқан.
Бұлақтың көзін ашып, ағаш отырғызып, егін салды. Қыстан қысылып шыққан ағайынға дем беріп, қайырымдылық көрсетті.
Бүгінгі күні де осы дәстүрлеріміз ұмытылмай, керісінше, қайта жаңғырып, жанданып келеді.
Қазіргі таңда Наурыз мейрамын тойлаудың басты мақсаты - қоғамды біріктіру, қазақ халқының ұлттық бірегейлігі мен мәдени ерекшелігін сақтау және насихаттау үшін жағдайлар жасау.Ол - жаңару идеясына негізделген, үлкен идеологиялық әлеуетке ие мереке ретінде отбасы мен қоғамды біріктіретін құндылықтарды нығайтуға бағытталған.
Ұлыстың ұлы күні – әз-Наурыз елімізге тыныштық, жерімізге молшылық, әрбір отбасына бақ-береке, ырыс-құт әкелсін деп тілеймін!
Ұлыс оң болсын, ақ мол болсын!
Наурыз құтты болсын!
Бұл күн — ата-бабадан мирас болған ұлттық спорт түрлерін ұлықтап, олардың мәні мен маңызын дәріптейтін ерекше мереке. Ұлттық ойындар — тек жарыс емес, ол — рухтың, күштің және салт-дәстүрдің жалғасы.
Ұлттық спортымыз өркендеп, жас ұрпақтың бойында жігер мен қайсарлық арта берсін!
Бұл күні табиғат қайта түлеп, тіршілік оянады.
Наурызнама аясында «Жаңару күні» жұртшылық көктемгі ағаш отырғызу дәстүрін орындайды.
Алтай ауданы прокуратурасының бастамасымен «Заң мен тәртіп» акциясы аясында Серебрянск қаласында ойын форматында көшпелі сот процесі ұйымдастырылды. Іс-шараға Технологиялық колледж студенттері, жалпы білім беретін мектептердің оқушылары, сондай-ақ девиантты мінез-құлықты балаларға арналған арнайы мектептің тәрбиеленушілері қатысты. Іс-шара барысында қатысушылар интерактивті форматта сот процесінің негіздерімен танысып, судья, прокурор және қорғаушы рөлдерін орындап көрді. Бұл олардың сот төрелігінің қағидаттарын және құқық бұзушылықтар үшін жауапкершілікті тереңірек түсінуіне мүмкіндік берді. Алтай ауданының прокуроры Рыспаев Ержан мұндай формат жастардың құқықтық сауаттылығын арттыруға, заңға бағынушылық мінез-құлықты қалыптастыруға және заң мен басқа азаматтардың құқықтарына құрметті дамытуға ықпал ететінін атап өтті.