АЛТАЙ АУДАНЫ «ТАЗА ҚАЗАҚСТАН» ЭКОЛОГИЯЛЫҚ АКЦИЯСЫНА ҚОСЫЛДЫ! 🌿
19 қыркүйек күні Алтай ауданында жалпыұлттық «Таза Қазақстан» бастамасы және Дүниежүзілік тазалық күні – World Cleanup Day аясында ауқымды экологиялық акция өтті.
Бұл күні аудан тұрғындары, ұйымдар мен кәсіпорындардың қызметкерлері, қоғамдық ұйымдардың өкілдері және қоршаған ортаның тазалығына бейжай қарамайтын азаматтар ортақ мақсат жолында бірікті. Негізгі мақсат – көшелерді, аулаларды және қоғамдық орындарды таза, көрікті әрі жасыл аймақтарға айналдыру. 🌱
🌳 Акция аясында аудан аумағына 1 836 ағаш көшеті отырғызылды. Жаңадан отырғызылған жасыл желектер ауданның экологиялық болашағының бір бөлігіне айналып, елді мекендердің көркін арттырып, тұрғындарға ұзақ жылдар бойы қуаныш сыйлайтын болады.
🧹 Сонымен қатар көшелерді, саябақтар мен скверлерді, қоғамдық аумақтарды санитарлық тазарту жұмыстары жүргізілді. Акцияға қатысушылар қоқыстарды жинап, аумақтарды ретке келтіріп, жасыл аймақтарды тазалап, туған өлкенің абаттандырылуына өз үлестерін қосты.
🤝 Мұндай іс-шаралар – тек тазалық пен көгалдандыру жұмыстары ғана емес. Бұл – қоршаған ортаға жауапкершілікпен қарауды қалыптастыруға, экологиялық мәдениетті арттыруға және тазалық пен тәртіптің әрқайсымыздан басталатынын жеке үлгі арқылы көрсетуге мүмкіндік.
Таза аудан – баршамызға ортақ іс!
Бүгін отырғызылған ағаштар ауданымызбен бірге өсіп, тамырын тереңге жайсын! Ал табиғатты қорғау мен қоршаған ортаға қамқорлық жасау әр күннің игі дәстүріне айналсын!
2026 жылғы 28 тамызда Өскемен қаласында Шығыс Қазақстан облысы білім беру саласы қызметкерлерінің «Адами капитал, білім, прогресс – Халық Конституциясының негізгі құндылықтары» атты облыстық тамыз конференциясы өтті.
Іс-шараға Алтай ауданы бойынша білім бөлімінің басшысы Б.К. Канафина, бөлім әдіскерлері, ауданның білім беру ұйымдарының директорлары мен педагогтері қатысты.
Пленарлық отырыс барысында 2025–2026 оқу жылының қорытындылары шығарылып, білім беру жүйесін дамытудың басым бағыттары айқындалды және жаңа 2026–2027 оқу жылына арналған негізгі міндеттер белгіленді. Білім сапасын арттыру, заманауи білім беру технологияларын енгізу және педагогикалық әлеуетті одан әрі дамыту мәселелеріне ерекше назар аударылды.
Конференцияның маңызды оқиғаларының бірі – «Үздік орта білім беру ұйымы – 2026» облыстық байқауы жеңімпаздарын марапаттау рәсімі болды. Шығыс Қазақстан облысының әкімі Н.А. Сақтағанов I орынға ие болған Алтай қаласының «№9 орта мектебі» КММ-не сертификат табыстады. Мектепке 18 миллион теңге көлемінде грант берілді.
Мектептің жоғары нәтижесі Алтай ауданының білім беру жүйесі үшін елеулі жетістік болып табылады және педагогикалық ұжымның кәсіби шеберлігін, білім беру үдерісін тиімді ұйымдастыруын әрі үздіксіз дамуға ұмтылысын көрсетеді.
Білім беру саласын дамытуға қосқан үлесі және педагогтік еңбегін адал атқарғаны үшін Қазақстан Республикасының Оқу-ағарту министрінің Алғыс хатымен “Алтай қаласының №7 орта мектебі” КММ көркем еңбек пәнінің мұғалімі Б.А. Дәрибаев Б.А. марапатталды.
Конференция соңында өңірдің педагогтер қауымдастығы алдына білім сапасын арттыруға және жаңа 2026–2027 оқу жылының басым бағыттарын табысты іске асыруға бағытталған негізгі міндеттер қойылды
Өскемен қаласында Қала күнін мерекелеу аясында дәстүрлі жыл сайынғы бал жәрмеңкесі өтіп, оған омарташылар мен табиғи өнімді бағалайтын тұрғындар қатысты.
Жәрмеңкеге Алтай ауданынан 9 омарташы қатысып, 5 тоннадан астам табиғи бал және ара шаруашылығының түрлі өнімдерін ұсынды.
Қала тұрғындары мен қонақтарының ерекше қызығушылығына дәстүр бойынша Алтай тауларының гүлге көмкерілген кең алқаптарында жиналған бал ие болды. Табиғи, хош иісті әрі экологиялық таза өнім жәрмеңкенің көркін келтірді.
Сатып алушылар үшін өнімдер қолжетімді, төмендетілген бағамен ұсынылды. Бұл әрбір қалаған адамға сапалы алтайлық бал мен ара шаруашылығының басқа да өнімдерін сатып алуға мүмкіндік берді.
Жәрмеңке жылы әрі мерекелік атмосферада өтіп, қала тұрғындарына пайдалы сауда жасауға ғана емес, сонымен қатар Алтай ауданы омарташылары өнімдерінің байлығы мен алуан түрлілігімен танысуға мүмкіндік сыйлады.
«Ауыл аманаты» — государственная программа в Казахстане по повышению доходов сельского населения и поддержке малого бизнеса. Льготные микрокредиты выдаются под 2,5% годовых на срок до 5 лет (в сфере животноводства — до 7 лет).
«Музыка гүлдегенде»: Алтай қаласында «Гүлденген Алтай» гүлдер байқау-шеруі өтті
15 тамызда Алтай қаласының Орталық саябағында «Гүлденген Алтай» атты қалалық гүлдер байқау-шеруі өтті. Әсемдік, шығармашылық пен көтеріңкі көңіл күйді тоғыстырған мерекелік шара биыл ерекше атмосферада ұйымдастырылды. Байқау бойы көрермендер мен қатысушыларға көрнекті қазақстандық композитор, Қазақстанның халық әртісі Шәмші Қалдаяқовтың әндері әуезді сүйемелдеу болды. Оның сырлы әуендері қатысушылар мен қонақтарды біріктіріп, туған жерге, сұлулыққа және өмірге деген сүйіспеншілік сезімін сыйлады.
Байқауға қала тұрғындары, шығармашылық ұжымдар, ұйымдар, флористер және туған Алтайын одан әрі көркейтіп, жайлы қалаға айналдыруға үлес қосқысы келетін барша азамат қатысты.
Қатысушылар өздерінің шығармашылық жұмыстарын үш номинация бойынша ұсынды: «Гүлді сән», «Арт-флора» және «Жаз үйлесімі». Мереке қонақтары ерекше гүлді киімдер мен аксессуарларды, түрлі арт-нысандар мен композицияларды, сондай-ақ қиял мен шабытпен жасалған авторлық гүл шоқтарын тамашалады.
Шәмші Қалдаяқовтың шығармаларымен музыкалық сүйемелдеу мерекенің басты идеясын — туған өлкенің, оның табиғаты мен адамдарының сұлулығына деген сүйіспеншілікті айшықтай түсті.
Музыка мектебінің директоры Елена Вльхина Шәмші Қалдаяқовтың шығармалары байқау атмосферасымен ерекше үйлесім тапқанын атап өтті: «Оның шығармаларында жылылық, жарық және туған жерге деген сүйіспеншілік бар. Осындай әуендердің сүйемелдеуімен гүлдердің әсемдігі мен қатысушылардың шығармашылығы одан әрі жарқырай түседі».
Қала тұрғыны Маргарита Скоснягина өз әсерімен бөлісті: «Бүгін Алтайымыз шын мәнінде гүлденгендей әсер қалдырды. Мұнда гүлдер, музыка, шығармашылық және адамдардың көтеріңкі көңіл күйі бір арнаға тоғысты. Әсіресе Шәмші Қалдаяқовтың таныс әрі сүйікті әндерін есту ерекше қуаныш сыйлады. Оның әуендері мерекелік көңіл күй қалыптастырды».
Алтай қаласының әкімі Сергей Охременко мұндай іс-шаралардың тұрғындарды біріктіріп, қаланы бірге көркейтуге ықпал ететінін атап өтті: «“Гүлденген Алтай” — жай ғана гүлдер байқауы емес. Бұл — қаламызда қаншама талантты, белсенді және туған жеріне бейжай қарамайтын азаматтардың бар екенін көрсететін мереке. Тұрғындардың еңбегі мен шығармашылығының арқасында Алтайымыз одан әрі ажарлана түсуде. Ал Шәмші Қалдаяқовтың музыкасы осы мерекеге ерекше сән беріп, туған жерге және ұлттық мәдениетімізге деген сүйіспеншілігімізді тағы бір мәрте сезіндірді».
Байқау қорытындысы бойынша үздік қатысушыларға Алтай қаласы әкімінің дипломдары мен бағалы сыйлықтар табысталды.
«Гүлденген Алтай» гүлдер, шығармашылық пен музыканы тоғыстырған шынайы мерекеге айналды. Түрлі-түсті композициялар Орталық саябақтың көркін арттырып, ал Шәмші Қалдаяқовтың әсем әуендері мерекеге жылылық пен бірлік атмосферасын сыйлады.
Бұл мереке тұрғындар бір мақсатқа жұмылып, бастама мен шығармашылық танытқанда, туған қаламыздың одан әрі көркейіп, ажарлана түсетінін тағы бір мәрте көрсетті.
Алтайымыз әрдайым гүлдене берсін, әсем әуендеріміз шырқала берсін, ал сол әуендермен бірге туған қалаға деген сүйіспеншілік те жүректерімізде мәңгі жасай берсін!
Шығыс Қазақстан облысы әкімінің бірінші орынбасары Д.Б. Сапановтың тапсырмасы бойынша Алтай ауданының тұрғындарымен «Ауыл аманаты» бағдарламасы аясында несие беру мәселесі бойынша кездесу өткізілді.
Кездесу барысында «ШҚО МЖӘ өңірлік орталығы» АҚ Жобалар департаментінің директоры М.А. Мұхамеджанов әлеуетті қарыз алушыларға бағдарламаның шарттары мен ауыл шаруашылығына қатысы жоқ қосымша несие беру бағыттары бойынша түсіндірме берді.
Тұрғындар өздерін қызықтырған барлық сұрақтарына толыққанды жауап алды. Әрбір қарыз алушыға қажетті құжаттарды жинақтау барысында ауылдық округ әкімдері, ауыл шаруашылығы және жер қатынастары бөлімі және «Атамекен» кәсіпкерлер палатасының филиалы тарапынан толық сүйемелдеу және тиісті көмек көрсетілетін болады.
Мемлекеттік қызметшілердің әлеуметтік желілердегі мәдениеті
Алтай ауданы әкімінің орынбасары, әдеп жөніндегі уәкіл Ж.А. Асқарова қала, кент, ауылдық округ әкімдерімен және дербес бөлім басшыларымен кеңес өткізді.
Кеңес барысында мемлекеттік қызметшілердің Әдеп кодексі талаптарын сақтау, оның ішінде әлеуметтік желілердегі мінез-құлық мәдениетіне қатысты мәселелер қаралды.
Мемлекеттік қызметшілердің Әдеп кодексінде мемлекеттік қызметшілер өздерінің мінез-құлқымен азаматтардың мемлекеттік органдарға деген сенімін нығайтуға және қоғам тарапынан негізді сын туындатуы мүмкін әрекеттерге жол бермеуге тиіс екендігі көзделген.
Өз сөзінде Ж.А. Асқарова мемлекеттік қызметшілердің әлеуметтік желілердегі мінез-құлық мәдениетін сақтау қажеттілігіне, сондай-ақ мемлекеттік қызметтің беделіне кері әсер етуі мүмкін ақпараттар, фото- және бейнематериалдардың бар-жоғына қатысты ашық аккаунттарға тұрақты мониторинг жүргізудің маңыздылығына назар аударды.
Атап айтқанда, мынадай материалдарды жариялауға жол бермеу қажет:
— мемлекеттік қызметшілердің әдепсіз немесе орынсыз жағдайда, алкогольдік ішімдік ішкен күйде, алкоголь өнімдерін, кальянды, сондай-ақ өзге де тыйым салынған заттар мен құралдарды пайдалану кезіндегі бейнелері бар жарияланымдар;
— деструктивті діни ағымдарға қатысты материалдар мен жарияланымдар;
— мемлекеттік органдардың қызметі мен мемлекеттік саясатты іске асыруға қатысты ақпарат жөнінде теріс, әдепсіз немесе беделге нұқсан келтіретін пікірлер мен түсініктемелер.
Кеңес соңында Ж.А. Асқарова мемлекеттік қызметшілер қызметтік міндеттерін орындау кезінде ғана емес, цифрлық кеңістікте де өздерінің мінез-құлқына жауапкершілікпен қарауы қажеттігін атап өтті. Себебі әлеуметтік желілердегі жарияланымдар мен пікірлер қоғамның мемлекеттік қызметке деген көзқарасына әсер етуі мүмкін.
Әлеуметтік желілердегі мәдениет пен жауапкершілік – мемлекеттік қызметшінің кәсіби әдебінің маңызды құрамдас бөлігі.
Қымбатты жерлестер!
Алдағы жылыту маусымына орай сіздерге қажетті мөлшерде көмірді алдын ала сатып алып, қамдануды сұраймыз.
Отынды соңғы күндерге қалдырмай, көмірді алдын ала алып қоюларыңызды өтінеміз. Бұл отын сататын орындарда адамдардың көп жиналып, кезек пайда болуына жол бермей, сұраныс артқан кезеңдегі әбігерді азайтуға мүмкіндік береді.
Қысқа алдын ала әрі сабырлы түрде дайындалып, әр отбасының қажетті отын қорын дер кезінде қамтамасыз еткеніміз дұрыс.
Өздеріңізге және жақындарыңызға амандық тілейміз! Баршаңызға жылу, жайлылық және берекелі қыс тілейміз!
Дорогие земляки!
Алтай ауданында «Мобильді фронт-офис» жобасы аясында Шығыс Қазақстан облысы бойынша «Даму» кәсіпкерлікті дамыту қоры» АҚ өңірлік филиалының мамандары, ШҚО Кәсіпкерлер палатасы «Атамекеннің», екінші деңгейлі банктердің, ШҚО кәсіпкерлік басқармасы мен ауыл шаруашылығы басқармасының өкілдерінің қатысуымен көшпелі іс-шара өтті. Аудан кәсіпкерлеріне шағын бизнесті дамытуға бағытталған мемлекеттік қолдау шаралары бойынша түсіндіру жұмыстары жүргізіліп, кеңестер берілді. Диалог алаңы мазмұнды өтіп, жеке кәсіпкерлер өздерін қызықтырған қажетті ақпаратты қолжетімді түрде алды.
Кәсіби мереке – Теміржолшылар күні қарсаңында қайта жаңғыртудан өткен Күмістау теміржол вокзалының салтанатты ашылу рәсімі өтті.
Бұл айтулы оқиға теміржол саласының ардагерлері мен қызметкерлерінің басын қосты. Салтанатты рәсімге Алтай ауданының әкімі Құрмамбаев Ренат Тілеуханұлы қатысып, жиналған қауымды келе жатқан кәсіби мерекемен құттықтады. Ол теміржолшылардың адал әрі қажырлы еңбегі үшін шынайы ризашылығын білдіріп, баршаңызға зор денсаулық, отбасыларыңызға амандық, елімізге тыныштық және толайым табыс тіледі.
Іс-шараға құрметті қонақ ретінде «Қазақстан темір жолы» ҰК» АҚ Магистральдық желі филиалы Семей магистральдық желі бөлімшесінің вокзал шаруашылығы, ғимараттар және инженерлік желілер жөніндегі директордың орынбасары Азимканов Нұрлан Жақалықұлы, сондай-ақ Күмістау станциясының вагон қараушысы, теміржол саласының ардагері Нұғыманов Жұмажан Сағидолдинұлы қатысты.
Жаңартылған Күмістау вокзалы – заманауи көлік инфрақұрылымының нысаны ғана емес, сонымен қатар Серебрянск қаласының дамуына серпін беретін маңызды жоба. Жүргізілген қайта жаңғырту жолаушыларға қолайлы жағдай жасап, қызмет көрсету сапасын арттыруға мүмкіндік береді және қаламыздың өркендеуі мен дамуының тағы бір жарқын белгісіне айналады.
Теміржол саласының барлық қызметкерлері мен ардагерлерін кәсіби мерекелерімен шын жүректен құттықтаймыз! Еліміздің көлік саласының дамуына қосып жүрген өлшеусіз үлестеріңіз үшін алғыс білдіреміз. Еңбектеріңіз әрдайым жоғары бағаланып, мерейлеріңіз үстем, дендеріңіз сау, отбасыларыңыз аман, ал әр сапарларыңыз сәтті болсын!