Алтай ауданы әкімінің орынбасары Ж. Аскарова және Алтай ауданы мәслихатының төрағасы Л. Гречушникова Бородино ауылының тұрғындарымен, Алтай ауданы Ардагерлер кеңесінің мүшелерімен кездесу өткізді. Ақпараттық-түсіндіру жұмыстары аясында жиналғандар мемлекеттік бағдарламалардың жүзеге асырылу барысымен, Мемлекет басшысының жыл сайынғы Жолдауының басым бағыттарымен таныстырылды, сондай-ақ сындарлы диалогтың басты мақсаты – Қазақстандаға АЭС құрылысы атап өтілді. Кездесу барысында атом электр станцияларын салудың артықшылықтары мен тәуекелдері, атом энергетикасының заманауи дамуы (халықаралық тәжірибе), Қазақстанның энергетикалық секторының жағдайы (жаңартылатын энергия көздеріне тәуелділік, олардың тұрақсыздығы, жұмыс істеп тұрған станциялардың тозуының жоғары деңгейі, халықаралық экологиялық шектеулер, энергия тұтынудың жыл сайынғы өсуі жағдайында елдің энергетикалық тәуелділігі) талқыланды.