Алтай ауданының «Жастар ресурстық орталығы» КММ Алтай және Серебрянск қалаларында «Ыстық шай, Таза аула» акциясын белсенді түрде өткізуде.

☕️ Жастар ресурстық орталығының директоры Анар Ахметкалиева акция аясында қала көшелерін қардан тазалап, тазалықты сақтап жүрген коммуналдық қызметкерлерге еріктілердің ыстық шай мен бауырсақ тарататынын атап өтті.
«Біз олардың еңбегін жоғары бағалаймыз. Бұл адамдар түнде де, таңертең ерте де жұмыс істейді, тұрғындардың жұмысына, жүріп-тұруына қолайлы жағдай жасау үшін барын салады», — деді ол.

🤝 Акция – күнделікті еңбегімен қаламызды таза, жайлы әрі қауіпсіз ететін жандарға деген құрмет пен алғыс білдірудің жылы көрінісі.
Жастар еріктілері тек қолдау көрсетіп қана қоймай, қоғамда бірлік пен өзара қамқорлық атмосферасын қалыптастыруға үлес қосуда.

Коммуналдық қызметкерлер көрсетілген қамқорлық пен қолдау үшін жастарға шынайы алғыстарын білдіріп, мұндай бастамалар еңбекке жігер беретінін және жұмысқа ынталандыратынын атап өтті.

✨ «Ыстық шай, Таза аула» акциясы қайырымдылықтың ауқымды қозғалысының бір бөлігіне айналып, қарапайым да маңызды игі істердің өмірімізді жақсарта түсетінін тағы бір мәрте көрсетті.