Ивенко Валерий Прокопьевич 1972 жылы Мәскеу тау-кен институтын «пайдалы қазбалар кен орындарын жерасты өңдеудің технологиясы және кешенді механикаландырылуы» мамандығы бойынша бітірген.
1979 жылдан бастап «Казцинк» ЖШС Зырян тау-кен байыту кешенінің кәсіподақ комитетін басқарады. Оған дейін электр слесарінің шәкіртінен бастап комбинаттың техникалық бөлімі бастығының орынбасарына дейінгі еңбек жолынан өтті. Жұмыс істеген уақытында өзін білікті маман және үздік ұйымдастырушы ретінде жақсы жағынан көрсетті. Ұжым арасында үлкен құрметке ие.
Кәсіподақ қызметі жылдарында В.П. Ивенко бірнеше рет ТМД елдерінің тау-кен металлургия саласы кәсіподақтарының Халықаралық бірлестігінің (Мәскеу қ.) басқарушы органының құрамына сайланды.
Қаланың қоғамдық өміріне белсене араласты, екі шақырылымда Зырян ауданы мен Зырян қаласы мәслихатының депутаты болды. Қазақстан Республикасы Президентінің сайлауы кезінде сайлауалды штабтың төрағасы болды. Аудандық мәслихат депутаты болып тұрған кезде бюджет, экономика және өңірлік даму жөніндегі тұрақты комиссияның төрағасы қызметін атқарды. Көптеген мәселелерде құзыретті маман. Қысқа мерзім ішінде сайлаушылардың проблемаларын шеше білді. Білімі жоғары, саясат мәселелерін терең түсінеді, Қазақстан Республикасы Президентінің бағытын насихаттайды. Қазақстан Республикасы Парламенті Мәжілісінің депутаттарымен тығыз байланыста жұмыс істеді және істеп келеді. Өзінің іскерлік және жеке қасиеттерінің арқасында Валерий Прокопьевич қала тұрғындарының арасында үлкен құрмет пен беделге ие.
Зырян аудандық мәслихатының 2007 жылғы 16 шілдедегі № 47/4-3 шешіміне сәйкес, Ивенко Валерий Прокопьевичке «Зырян ауданының Құрметті азаматы» атағы берілді.