Алтай ауданы әкімдігінің 2023 жылғы 6 қарашадағы № 636 қаулысы
«Мемлекет мұқтажы үшін алып қоюға байланысты жер телімдерін мәжбүрлеп иеліктен шығарудың басталуы туралы» Алтай ауданы әкімдігінің 2023 жылғы 19 сәуірдегі № 228 қаулысына өзгеріс енгізу туралы
«Құқықтық актілер туралы» Қазақстан Республикасы Заңының 65 – бабының 3 – тармағына, «Мемлекеттік мүлік туралы» Қазақстан Республикасы Заңының 63-бабына сәйкес, Алтай ауданының әкімдігі ҚАУЛЫ ЕТЕДІ:
- «Мемлекет мұқтажы үшін алып қоюға байланысты жер телімдерін мәжбүрлеп иеліктен шығарудың басталуы туралы» Алтай ауданы әкімдігінің 2023 жылғы 19 сәуірдегі № 228 қаулысына мынадай өзгеріс енгізілсін:
1-тармақтың екінші абзацы жаңа редакцияда жазылсын:
«Мемлекет мұқтажы үшін мәжбүрлеп алып қоюға байланысты жер телімдерін мәжбүрлеп иеліктен шығару күні – 2024 жылдың 01 ақпаны.».
- «Алтай ауданының ауыл шаруашылығы, жер қатынастары және кәсіпкерлік бөлімі» мемлекеттік мекемесі осы қаулыны қабылданған күннен бастап 3 (үш) жұмыс күні ішінде бұқаралық ақпарат құралдарында жарияласын.
Алтай ауданы әкімінің
міндетін атқарушы С. Охременко