Алтай ауданы бойынша шетелдіктер үшін
туристік жарна мөлшерлемесін бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабының 2-10-тармағына, «Қазақстан Республикасындағы туристік қызмет туралы» Қазақстан Республикасы Заңының 7-1-бабына, «Шетелдіктер үшін туристік жарнаны төлеу қағидаларын бекіту туралы» Қазақстан Республикасы Мәдениет және спорт министрінің 2023 жылғы 14 шілдедегі №181 (Қазақстан Республикасының Әділет министрлігінде 2023 жылғы 19 шілдеде № 33110 болып тіркелген) бұйрығына сәйкес Алтай аудандық мәслихаты ШЕШТІ:
- Жатақханаларды, Қонақ үйлерді, жалдамалы тұрғын үйлерді қоспағанда, Алтай ауданында туристерді орналастыратын орындарда шетелдіктер үшін туристік жарна мөлшерлемесі әр тәулік үшін 0,5 айлық есептік көрсеткіш мөлшерінде бекітілсін.
- «Алтай ауданы бойынша шетелдіктер үшін 2023 жылға арналған туристік жарна мөлшерлемесін бекіту туралы» Алтай аудандық мәслихатының 2023 жылғы 30 мамырдағы № 8853-16 шешімінің күші жойылды деп танылсын.
- «Алтай ауданының дене шынықтыру, спорт және туризм бөлімі» мемлекеттік мекемесі Қазақстан Республикасының заңнамасында белгіленген тәртіппен осы шешімнің Шығыс Қазақстан облысының Әділет департаментінде мемлекеттік тіркелуін қамтамасыз етсін.
- Осы шешім алғашқы ресми жарияланған күнінен бастап күнтізбелік он күн өткен соң қолданысқа енгізіледі.