Балық өнімдерінің қайтарылған жүктері: қауіпсіздік бірінші орында

2024 жылғы 21 мамырда Қостанай облысында Ресей Федерациясының Самар облысынан Қазақстан Республикасына жіберілген салмағы 20 тонна балық өнімі тиелген автокөлік ұсталды. "Қайрақ" ветеринариялық бақылау бекетінің ветеринариялық инспекторы тексеру жүргізу барысында жүктің ветеринариялық-санитариялық тұрғыдан оның қауіпсіздігін және жұқпалы аурулар бойынша эпизоотиялық саламаттылығын растайтын қажетті ветеринариялық ілеспе құжаттарсыз болғанын анықтады.

Белгіленген процедуралардан кейін жүк жөнелтушіге қайтарылды және тасымалдаушыға әкімшілік айыппұл салынды. Бұл жағдай азық-түлік қауіпсіздігі мен ветеринариялық бақылау саласындағы барлық қажетті қағидалар мен ережелерді сақтаудың маңыздылығының айқын мысалы болып табылады.

Ішкі нарықты қауіпті өнімдерден қорғау және жануарлардың аса қауіпті аурулары бойынша эпизоотиялық салауаттылықты қамтамасыз ету мақсатында Ресей Федерациясы және Қырғызстан Республикасымен шекаралас аумақта тәулік бойы 32 ветеринариялық бақылау бекеті жұмыс істейді. Бұл бекеттер сапасыз немесе қауіпті өнімдерді Қазақстан Республикасының аумағына әкелудің алдын алуда шешуші рөл атқарады.

2024 жылдың басынан бастап Қостанай облысының ветеринариялық бақылау инспекторлары импорттық операциялар кезінде 1867 тексеру жүргізді. Нәтижесінде бұзушылықтарымен 35 автокөлік құралы қайтарылды, ал әкімшілік құқық бұзушылық туралы 24 хаттама жасалып, жалпы соммасы 886 000 теңге айыппұл салынды.

 

Азық-түлік қауіпсіздігі мен эпизоотиялық әл-ауқат басымдықтар болып табылады және олардың орындалуын қамтамасыз етуде ветеринариялық бақылау маңызды рөл атқарады