Ветеринариялық бақылау және қадағалау комитеті мал өнімдерінің қауіпсіздігін қадағалауды күшейтеді

Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінде барлық аумақтық инспекция басшыларының қатысуымен жиын өтті. Отырыс барысында ветеринарияны дамыту тұжырымдамасының жобасын және 2024 жылға арналған жұмыс жоспарын жүзеге асыруға қатысты мәселелер талқыланды.

Ветеринариялық бақылау және қадағалау комитетінің төрағасының міндетін атқарушы  Қ.Байжанов аумақтық инспекциялардың басшыларына жергілікті жерлерде қадағалау-бақылау функцияларының жұмысын күшейтуді тапсырды. Атап айтқанда, Қ.Байжанов мал шаруашылығы саласында жұмыс істейтін кәсіпкерлік субъектілеріне қатысты кешенді тексеру жұмыстарын жүргізу қажеттігін атап өтті. Тексерулер кезінде мал шаруашылығы өнімдерін күтіп-ұстау, тасымалдау және өткізу кезінде ветеринариялық-санитариялық талаптардың сақталуын, сондай-ақ ветеринариялық препараттардың қолданылуын бақылауды тексеру қажет.

Сонымен қатар, Қ.Байжанов ауыл шаруашылығы жануарларын қадағалау жүйесінің дұрыс жұмыс істеуін қамтамасыз етуді тапсырды. Бақылау жүйесі жануарлардың өндірушіден соңғы тұтынушыға дейінгі қозғалысын қадағалауға мүмкіндік береді. Бұл жануарлардың заңсыз айналымын анықтауға және тоқтатуға, сондай-ақ жұқпалы аурулардың таралуын болдырмауға көмектеседі.

Қ.Байжанов ветеринариялық қауіпсіздікті қамтамасыз ету Ветеринариялық бақылау және қадағалау комитетінің басым бағыты екенін атап өтті. Ол аумақтық инспекция басшыларын өздеріне жүктелген міндеттерге жауапкершілікпен қарап, мал өнімдерінің қауіпсіздігін қамтамасыз ету үшін барлық шараларды қабылдауға шақырды.