Қытайлық сарапшылар Комитеттің ведомстволық бағынысты ұйымдарының жұмысымен танысты

Қытай ветеринария мамандарының делегациясы Комитеттің ведомстволық бағынысты ұйымдарының жұмысымен танысты. Сапардың мақсаты Қазақстанның ветеринариялық қызметіне аудит жүргізу және оның халықаралық талаптарға сәйкестігін бағалау болды.

Сапар барысында делегация Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің (ҚР АШМ ВБҚК) бірқатар ведомстволық бағынысты ұйымдарына, оның ішінде: Республикалық эпизоотияға қарсы отрядқа (РЭҚО); Республикалық ветеринариялық зертханаға (РВЗ); Ветеринария бойынша ұлттық референттік орталыққа (ВБҰО) барды.

Делегацияға барған алғашқы объект РЭҚО болды. Сарапшылар дезинфекциялық техниканы, республикалық қордағы препараттарды сақтауға арналған қойма үй-жайларын, сондай-ақ мобильді зертханаларды қамтитын отрядтың материалдық-техникалық базасымен танысты.

Делегацияға барудың келесі нысаны РВЗ болды. Сарапшылар ұйымның қызметімен танысып, зертхананың негізгі блоктарының жабдықталуын тексерді. Оларға жануарлар ауруларын диагностикалау, азық-түлік қауіпсіздігін зерттеу бөлімдерінің жұмысы көрсетілді.

Сапар аясында делегация ВБҰО-ға да барды. Сарапшылар зертханалық зерттеулердің негізгі бағыттарымен және өндірістік үй-жайларды жайластырумен танысты.

Нәтижесінде делегациялар жұмыстың маңыздылығын атап өтіп, Комитеттің ведомстволық бағынысты ұйымдарының жануарлардың денсаулығы мен қауіпсіздігін қолдаудағы жұмысымен танысты. Сарапшылар Қазақстандағы ветеринариялық қызметтің даму деңгейіне қанағаттанғандықтарын білдіріп, оның халықаралық талаптарға сәйкестігін атап өтті.

"Ветеринарлық зертханаларында заманауи жабдықтар мен білікті кадрлар бар. Олар жануарлардың денсаулығы мен қауіпсіздігін қамтамасыз етуде, сондай-ақ халықты жануарлардан адамға берілетін аурулардан қорғауда маңызды рөл атқарады. - деп атап өтті қытай делегациясының өкілі"

Естеріңізге сала кетейік, қытайлық мамандар ветеринарлық қызметке аудит жүргізу үшін Қазақстанға келген болатын. Аудит 2023 жылғы 17-24 желтоқсан аралығында өтеді.