Нигер Республикасы Қазақстан Республикасындағы жануарларды бірдейлендірудің тәжірибесін қабылдауға мүдделі

2023 жылдың 5 шілдесінде Ветеринарлық бақылау және қадағалау комитетінде Нигер Республикасы Мал шаруашылығы министрлігінің зерттеу департаментінің директоры Али Лаоалимен, сондай-ақ Ислам азық-түлік қауіпсіздігі ұйымының өкілдерімен кездесу өтті.

Кездесу барысында Ветеринарлық бақылау және қадағалау комитетінің төрағасының орынбасары С. Б. Төлегенов делегацияны Қазақстанның ветеринариялық қызметінің жұмысымен, оның құрылымымен және ветеринария жүйесін реформалау бойынша жұмыстар жүргізумен таныстырды. Сондай-ақ, делегация ветеринария саласындағы ақпараттық жүйелерді дамыту бойынша презентациямен танысты.

Өз кезегінде, Әли Лаоали ауыл шаруашылығы жануарларын бірдейлендірудің ақпараттық жүйесінің ынтымақтастығы мен таныстырылымы үшін алғысын білдіріп, Нигер Республикасының аумағында бірдейлендіру жобасын іске асыру кезінде консультациялық көмек ретінде Қазақстанның ветеринариялық қызметінің қызметкерлерін тартуға мүдделілігін білдірді.

С. Б. Төлегенов жобаны іске асыру кезінде қолдау көрсетуге дайын екендігі туралы хабарлады.