2025 жылы ұлттың ұлы ұстазы, кемеңгер ойшыл Абай Құнанбайұлының туғанына 180 жыл толып отыр. Осыған орай, Ветеринарлық бақылау және қадағалау комитетінің ұжымы Абай мұрасындағы мемлекеттік қызметпен үндес рухани қағидаларға ерекше мән беріп отыр.
Абайдың әділет, адалдық, еңбекқорлық пен парасаттылыққа шақырған ойлары — бүгінгі қоғам қызметшісі үшін де темірқазық. Ойшылдың «халыққа қызмет ету — елге жанашыр болу» деген ұстанымы, «ақырын жүріп, анық бас» деген нақылы – әрбір ветеринариялық сала маманының кәсіби және адамгершілік бағдары болуы тиіс.
Комитет қызметкерлері Абай көрсеткен асыл қасиеттерді күнделікті жұмыс барысында басшылыққа ала отырып, елдің ветеринариялық қауіпсіздігін қамтамасыз ету, азаматтарға адал қызмет көрсету жолында еңбек етуді абыройлы парыз деп санайды.