Қала тұрғындары цифрлық сауаттылықты арттыру курстарын онлайн өте алады

"Цифрлық Қазақстан" мемлекеттік бағдарламасы шеңберінде өткізілетін тұрғындардың цифрлық сауаттылығын арттыру курстары онлайн түрде өткізілуде.
Курсты алу үшін www.digitalkz.kz/kursy/ сілтемесі арқылы тіркелу қажет.
Оқыту келесі бағыттар бойынша жүргізіледі:
— "Базалық цифрлық дағдылар" — дербес компьютер мен ноутбукті, мобильді құрылғыларды, интернет желісін пайдалану.
— "Электрондық үкімет және электрондық мемлекеттік қызметтер" — қажетті электрондық мемлекеттік қызметтерді онлайн алу үшін e-gov электрондық үкімет веб-порталын пайдалану.
— "Ашық Үкімет" — ашық деректерді, ашық нормативтік-құқықтық актілерді, ашық диалог пен бюджетті пайдалану.
— "Электрондық сауда" — тауарлар мен қызметтерді онлайн сатып алу, сату және жылжыту дағдылары.
— "Ақпараттық қауіпсіздік негіздері" — дербес деректерді қорғау дағдылары және интернет желісіндегі жұмыс қауіпсіздігі.
Қосымша сұрақтар пайда болған жағдайда 50-51-52 байланыс нөміріне хабарласуыңызға болады.