Орал қаласы әкімінің орынбасары Жандос Дүйсенғалиев қала аумағындағы абаттандыру, жол жөндеу жұмыстарын атқарып жатқан мердігер мекемелердің өкілдерімен кездесті.

Кездесу барысында қала әкімінің орынбасары құрылыс маусымының аяқталып қалғанын алға тартып, мердігер мекемелерге биылға жоспарланған жұмыстарды пысықтауды тапсырды. Ол барлық мердігерге қойылатын басты талап – құрылыс кестесінің мерзімін бұзбай, сапасын назарда ұстау екендігін баса айтты. Бұл тұрғыда жауаптыларға жұмыстарды қатаң бақылауға алу қажеттігін ескертті.

Жандос Дүйсенғалиев өз жауапкершілігіне немқұрайлы қарап, міндеттемелерін мерзімінде орындамаған мердігерлерге заң аясында тиісті шара қолданатынын жеткізді.