Орал қаласының әкімі А.Шыныбеков шаһардағы бірқатар әлеуметтік нысанды аралады.

Орал қаласының әкімі А.Шыныбеков шаһардағы бірқатар әлеуметтік нысанды аралады. Қаладағы эстетикалық бағыттағы гимназия ғимаратының қазіргі жағдайы сын көтермейді, заңғар жетістіктерімен қуантып жүрген дарынды оқушыларға лайықты білім алу үшін жан-жақты, керек-жарақпен жабдықталған, заманауи үлгідегі зәулім ғимарат керек. Қала басшылығы алдағы уақытта гимназияны жаңа ғимаратқа көшіру мүмкіндігін қарастырмақ. Бұл ғимарат балабақша ретінде жұрт игілігіне айналады. Сондай-ақ қала басшысы қайта жаңғыртылатын #31 мектепке арнайы соғып, онда жүргізілетін құрылыстың жай-жапсарын көрді. Жаңадан салынып жатқан #33 мектепте құрылыс жұмыстары кестеге сай жүргізілуде. Сонымен бірге қазіргі кезде "Бақытты отбасы" орталығы күрделі жөндеу жұмыстары және Мясокомбинат шағын ауданындағы абаттандыру жұмыстары ойдағыдай жүргізіліп жатыр.