Оралдық түлек Тарлан Исатайұлы Ұлттық бірыңғай тестілеуден 136 балл жинады

Исатайұлы Тарлан№35 лицей түлегі, «Үздік аттестатқа» үміткер оқушы. Сүйікті пәні — математика. Республикалық ғылыми жобалар байқауының қатысушысы. Математика пәні бойынша бірнеше жыл қатарынан облыстық олимпиада жүлдегері. Биыл республикалық олимпиадада математика пәнінен 3-орын иеленіп, қола медальға ие болды.

Республикалық олимпиадада қос бірдей университеттің — Қаныш Сәтпаев атындағы Қазақ ұлттық техникалық университетінің және Оңтүстік Қазақстан университетінің, грантын алған оқушылардың бірі. Ұлттық бірыңғай тестілеуде мүмкін болған 140 баллдың 136-сын жинап, ұстаздары мен ата-анасының, мектеп мерейін асқақтата түсті.

Тарлан болашағын математика-физика саласымен байланыстыруды, осы ретте Алматы энергетикалық университетінде білім алуды мақсат етіп отыр.