Орал қаласының студенттері арасында алғаш рет ұйымдастырылған «ORAL JASTARY» фестивалі өз мәресіне жетті
10 мыңнан астам студент қатысқан жобада олар 11 аталым бойынша бақ сынады.
Фестивалдің гала концерті «Атамекен»өнер орталығында өтті.
Жарыс нәтижесінде жалпы командалық есепте 307 ұпаймен М.Өтемісов атындағы Батыс Қазақстан университеті I орынға ие болды. Ал 11 аталым бойынша 300 ұпай жинаған Жәңгір хан атындағы Батыс Қазақстан аграрлық-техникалық университетінің студенттері жүлделі II орыннан көрінді. Жалпы командалық есепте 292 ұпай жинаған Батыс Қазақстан инновациялық-технологиялық университеті үздік үштікті түйіндеді.
Қаламыздағы белсенді жастарды бір арнаға тоғыстырған жоба өңір жастарының жан-жақты дамып келе жатқанын көрсетті.