Бүгін Орал қаласының әкімі Миржан Сатқанов №1 жалпы орта білім беретін мектепте тұрғындармен кездесті

Алдымен шаһар басшысы қаладағы жол, абаттандыру, қоғамдық көлік, су және жарықпен қамтамасыз ету сияқты басты мәселелерге тоқталып, алда атқарылатын жұмыстарды ретімен таныстырды.

Осыдан кейін кездесу сұрақ-жауап форматымен жалғасты. Тұрғындар кездесуде жол, тұрғын үй, қоқыс алаңдарын қоршау, қжасыл-желектерді күтіп-ұстау және қоғамдық көлік сынды мәселелерді қозғады.

Жиын барысында қала әкімі тұрғындардың ұсыныстары мен көтерген әр мәселені шешу бағытындағы жоба-жоспарларға жеке-жеке тоқталып, барлық ұсыныстың назарда болатынын жеткізді.

Кездесуден кейін қала әкімі мен оның орынбасарлары, дербес бөлім басшылары, құқық қорғау және прокуратура саласының қызметкерлері тұрғындардың жеке мәселелері бойынша қабылдау өткізді.