Жуырда Орал қаласында қазақ күресінен жасөспірімдер мен жастар арасында «Жас барыс» республикалық турниріне облыстық іріктеу жарысы өткізілді
Аталған турнирге өңіріміздің аудандары мен Орал қаласынан барлығы 300-ден астам спортшы қатысты.
Жарыстың басты мақсаты - қазақ күресін дамыту және кеңінен насихаттау, спортшылардың кәсіби шеберлігін арттыру, мықты спортшыларды облыстық құрама командаға іріктеу, жастар мен жасөспірімдерге патриоттық тәрбие беру жұмысын ұйымдастыру, бұқаралық спорт пен салауатты өмір салтын насихаттау.
Жарыс қорытындысы бойынша Орал қаласының құрамасы командалық есепте 1 орынға ие болды. Жас балуандарды жеңістерімен құттықтаймыз!