Балалардың әл-ауқаты бақылауда

Кәмелетке толмағандардың ісі және олардың құқықтарын қорғау жөніндегі комиссия төрағасы Қала әкімінің орынбасары М.С. Нұржановтың басшылығымен балалардың әл-ауқатын бақылау мақсатында осы комиссия мүшелерінің, төтенше жағдайлардың алдын алу қызметі, қалалық санитарлық-эпидемиологиялық бақылау басқармасы, құқық қорғау органдары, қоғамшылдардың қатысуымен жұмыс кеңесі өтті. кәмелетке толмағандардың істері және олардың құқықтарын қорғау жөніндегі, соның ішінде балалардың судағы қауіпсіздігін қамтамасыз ету, олардың өмірі мен денсаулығын қорғау жөніндегі облыстық комиссияның ұсынымдарына ерекше назар аударылды. кеңес барысында қатысушылар қаланың су нысандарындағы жаппай демалу, туризм және спорт орындарында балалардың қауіпсіздігін қамтамасыз ету тәртібін, ұйымдастырылған демалыс орындары мен жазғы лагерьлерде жағажайларды жайластыруға қойылатын талаптарды егжей-тегжейлі талқылады. сондай-ақ суға шомылуға жабдықталмаған аймақтарда халықтың қауіпсіздігін қамтамасыз ету шаралары қаралды. қайғылы оқиғалардың алдын алу бойынша халықпен ақпараттық-түсіндіру жұмыстарын күшейту, балаларды жүзуге үйретуге тиісті құрылымдардың нақты бақылауын қамтамасыз ету сияқты бағыттар да назардан тыс қалған жоқ. кеңес қорытындысы бойынша нақты ұсыныстар қабылданды. сондай-ақ, қала әкімдігі комиссиясы мүшелерінің және барлық мүдделі ведомстволардың, жұртшылық өкілдерінің қатысуымен қаланың өзендері бойынша рейдтер өткізу туралы шешім қабылданды.