«Балалар жылына» орай, сондай-ақ өңірде «Менің аулам – менің бағым» жобасының жүзеге асырылуына байланысты жас ұрпақты еңбекке баулу мақсатында Орал қалалық «Мәдени-ағарту бірлестігіне» қарасты аула клубтары мен комьюнити орталықтарында бау-бақша өсіру еңбек лагерінің ашылу салтанаты өтті.

«Балалар жылына» орай, сондай-ақ өңірде «Менің аулам – менің бағым» жобасының жүзеге асырылуына байланысты жас ұрпақты еңбекке баулу мақсатында Орал қалалық «Мәдени-ағарту бірлестігіне» қарасты аула клубтары мен комьюнити орталықтарында бау-бақша өсіру еңбек лагерінің ашылу салтанаты өтті.
Ет комбинаты аумағында орналасқан «Арай» комьюнити орталығында, Желаев кентіндегі «Ақберен»комьюнити орталығында және Болашақ, Шұғыла балалар аула клубтарында ашылған «Жасыл желек әлемінде» еңбек лагерінде орталықтардың тәрбиеленушілері еңбек етеді.
Еңбек лагеріне әр клубтан 3 баладан 50-ге тарта тәрбиеленушілер тартылып, жеміс ағаштары мен көкөністер егілді.
Бүгін аталмыш шараның ашылу салтанатында Орал қаласының мәдениет және тілдерді дамыту бөлімінің басшысы Серік Қайырлиев құттықтау сөз сөйлеп, бау-бақша лагеріне қатысушыларға сәттілік тіледі.
Еңбек лагерінде тәрбиеленушілер көктем мезгілінде ағаш және көкөністер отырғызу, суару және айналысын тазарту, баптау жұмыстарымен айналысады.