Қазіргі таңда Орал қаласы бойынша жағдай тұрақты. Құқық қорғау органдарының қызметкерлері күшейтілген режимде тәулік бойы қызмет атқаруда

Орал қаласы аумағында 3 жерде блокбекет жұмыс істеп тұр. Шаһарға кіріп-шыққан автокөліктер мен адамдар жіті тексеріледі.

БҚО полиция департаменті мәліметінше, төтенше жағдай жарияланғаннан бері өңірде 714 тәртіп бұзушылық анықталған.
Сондай-ақ тәртіп сақшылары блокбекеттерден күдіктілерді ұстап, қару-жарақ және өзге де заттарды тәркілеген.

Қоғамдық тәртіп пен қауіпсіздікті сақтау мақсатында құқық қорғау органдарына көмек көрсету үшін қалада “Халық сақшысы” жасағы құрылып, көмек көрсетуде.