ҚР Тәуелсіздігінің 30 жылдығы мерекесі қарсаңында «30 жұлдызды күн» іс-шаралар легі аясында «Тәуелсіздікке тарту» атты жас суретші Жеңісбек Өтешовтың жеке сурет көрмесі өтті.

Тәуелсіздігіміздің 30 жылдығына тарту ретінде, тәуелсіз еліміздің жас таланттарын халыққа таныту мақсатында өткен шараға жоғарғы және орта оқу орындарының студенттері қатысты.

Қылқалам шебері сурет өнерінің қыр-сырын айта жүріп, әр туындысын көрерменге таныстырды. Көрме бояуы қанық, айтар ойы анық ерекше картиналармен толықтырылған. Суретші шығармашылығы көрермен қауымның көңілінен шығып, ерекше ықыласына ие болды. Шара барысында Орал қаласы әкімінің орынбасары Мирболат Сағынғалиұлы құттықтау сөз сөйлеп, аталмыш көрмені ұсынған Жеңісбек Өтешовке қала әкімі Абат Шыныбековтың атынан алғыс хат табыс етті.