Орал қаласында өрттің алдын алуға бағытталған мурал пайда болды.

Қаладағы Құрманғазы көшесі, 165 үйдің қабырғасында өрт сөндірушілердің бейнесі бар мурал салынды. Муралдың авторы — оралдық суретші Дарья Полищук.

«Өрт — тілсіз жау. Қала әкімдігімен бірлесіп тұрғындарға өртке қарсы ережелерді еске салу мақсатында осы туындыны жүзеге асырдық. Мурал қаланың орталығында орналасқан көпқабатты тұрғын үйге салынды. Өрт сөндірушілердің бейнелері менмұндалап, Абай даңғылына шыққан әр адамның көзіне бірден түседі», — дейді төтенше жағдайлар департаментінің аға инженері Шыңғыс Бекетов.