ОРАЛДА САЯБАҚТАР МЕН АЛАҢДАР ДИРЕКЦИЯСЫ ҚҰРЫЛАДЫ

Қазіргі таңда қаладағы мәдениет және демалыс саябағы негізінде «Саябақтар мен алаңдар дирекциясын» құру жұмыстары жүргізіліп жатыр. Шаһарда жалпы саны 50-ге жуық тынымбақ пен алаң бар. «Саябақтар мен алаңдар дирекциясының» директоры Жасұлан Сәкеновтың мәліметінше, бүгінгі таңда олардың 25-нің құжаттары дайын.

- Дирекцияның басты мақсаты - қаламыздағы саябақ, тынымбақ пен алаңдарды бір орталыққа біріктіріп, басқару жағдайын жеделдету, қараусыз қалған тынымбақтарды қалпына келтіру және шаһардағы жасыл-желекті көбейту. Қазіргі таңда қалада 50-ге жуық тынымбақ пен алаң бар. Жалпы аумағы 79,5 гектарды құрайды. Дирекция құрылғаннан кейін жоба негізінде эколог және биолог мамандарды жұмысқа алу көзделуде, - дейді Жасұлан Нұрлыбекұлы.

Қазіргі таңда тұрғын үй-коммуналдық шаруашылық, жолаушылар көлігі және автомобиль жолдары бөлімімен жоба бойынша қаланың барлық саябақтар мер тынымбақтарын паспорттау жұмыстары жүргізілуде.