Бүгін Жаңа жыл мерекесі қарсаңында Аяз Ата мен Ақшақар және ертегі кейіпкерлері бар мерекелік керуен Орал қаласының әкімі А.Шыныбековтың бастауымен қаламыздағы көпбалалы, аз қамтылған отбасылар мен мүмкіндігі шектеулі балалардың мекенжайларына барды.

Алдымен шаһар басшысы Қазақстан Республикасының Президенті Қасым-Жомарт Кемелұлы Тоқаевтың тапсырмасына сәйкес №10 жалпы орта білім беретін мектебінің 5 сыныбының үздік оқушысы Құрманғали Бибарысқа Президент атынан берілген сыйлықтар мен “Bilim book” планшетін табыстады.

Жаңа жылдық сыйлықтар аз қамтылған отбасылардан шыққан 120 балаға, сондай-ақ қалалық жұмыспен қамту орталығы мен мектепте есепте тұрған 140 мүмкіндігі шектеулі балаға берілмек.

Мерекелік безендірілген 8 көлік 4-5 күн бойы балаларға қала әкімінің тәтті сыйларын жеткізетін болады.