Оралда 2021-2023 жылдарға арналған аулаларды кешенді абаттандыру бағдарламасы бойынша көп пәтерлі үйлердің 150 ауласын жөндеу жоспарланған

Оралда 2021-2023 жылдарға арналған аулаларды кешенді абаттандыру бағдарламасы бойынша көп пәтерлі үйлердің 150 ауласын жөндеу жоспарланған. Бағдарлама бойынша жергілікті тұрғындар өз аулаларын абаттандыруға өздері қатыса алады.
Қала әкімінің орынбасары Мирас Молқай мен Орал қаласының ТКШ басшысы Жандос Дүйсенғалиев тұрғындармен кездесіп, келесі жылы абаттандыру жоспарланған аулалардың эскиздік жобасын талқылады. Бұған дейін аулаларда жалпы жиналыс өткізіліп, онда бұл жоба тұрғындардың ұсыныстары мен тілектерін ескере отырып әзірленген болатын. Бүгінгі отырыстың қорытындысы бойынша жобалық-сметалық құжаттама дайындалады.
Айта кету керек, бағдарламаға қатысу үшін тұрғындардың жалпы жиналысын өткізіп, халықтың 70% - ы келіскеннен кейін техникалық тапсырма қалыптастыру қажет. Аумақты абаттандыруға өтінімді сайтта беруге болады uralsksmartmap.kz.