Бүгін бейнеконференция режимінде кәмелетке толмағандардың істері жөніндегі комиссияның отырысы өтті

Бүгін бейнеконференция режимінде ҚР БҒМ Балалардың құқықтарын қорғау Комитетінің сарапшысы Эльмира Кадимованың қатысуымен Орал қаласы әкімдігінің жанындағы кәмелетке толмағандардың істері және олардың құқықтарын қорғау жөніндегі комиссияның отырысы өтті. Отырысқа қала прокуратурасының, Құқық қорғау органдарының, Орал әкімдігінің бөлімдері мен құрылымдық бөлімшелерінің өкілдері және қоғам белсенділері қатысты.

Күн тәртібінде екі мәселе талқыланды:
біріншісі – "тәлімгерлік" қалалық бағдарламасын іс жүзінде енгізу: мазмұны-іске асыру жолдары", оның бастамашысы қала әкімінің орынбасары Бақытжан Нарымбетовтың төрағалығымен кәмелетке толмағандар істері жөніндегі комиссия болып табылады;
екінші мәселе - Оралдағы кәмелетке толмағандардың қылмыстары мен құқық бұзушылықтары саласындағы ахуалды қарау.

"Қазақстан жаңа жағдайда: іс-қимыл уақыты" атты Жолдауында ҚР Президенті Қасым-Жомарт Тоқаев балалардың қауіпсіздігі мен құқықтарын қорғау мәселелеріне ерекше назар аудару керектігін нақты анықтады.
- Өздеріңіз білетіндей, балалар санаттарының спектріне интернаттық мекемелерде, балалар үйлерінде тұратын "отбасынан тыс балалар" кіреді. Оралда орналасқан осындай ұйымдар саласына мыналар кіреді:
1. "Облыстық мамандандырылған "Мейірім" балалар үйі. 0-ден 3 жасқа дейінгі балалар үшін.
2. "Облыстық қиын жағдайдағы балаларды қолдау орталығы".
3. "Облыстық отбасы үлгісіндегі балалар ауылы", онда 3 жастан 18 жасқа дейінгі балалар тұрақты тұрады. Ауыл аумағында студенттерге, оның ішінде кәмелеттік жасқа толғандарға арналған Жасөспірімдер үйі бар", - деді комиссия төрағасы Бақытжан Нарымбетов

Комиссия жұмысының қорытындысы тұрақты ведомствоаралық өзара іс-қимыл негізінде барлық тәрбиеленушілерге қатысты атаулы шараларды іске асыру қажеттілігін анықтады. Соның салдарынан "тәлімгерлік"бағдарламасын құру туралы шешім қабылданды.
Бағдарламаның мақсатты тобы ретінде мектеп жасындағы, оның ішінде "Тәуекел тобындағы"тәрбиеленушілер анықталды.
Бүгінгі күні балалар ауылы тәрбиеленушілерінің саны 65 баланы құрайды, оның ішінде: 8 – кіші мектеп жасындағы, 37 – орта мектеп жасындағы жасөспірімдер, оның ішінде 6– 10-11 жастағы және 31 – 12-15 жастағы балалар, 20-16-17 жастағы тәрбиеленушілер.