Орал қаласында '"Қала күні" мерекесі аясында "BIOS" гемодиализ орталығы ашылды.

Медициналық орталықтың ашылу салтанатына Орал қаласының әкімі Абат Шыныбеков қатысып, орталық жұмысына сәттілік тіледі.Қала әкімі осы орталықтың тұрғындар үшін сапалы медициналық қызмет алуға оңды әсер ететінін жеткізді.

"BIOS" - қаламызда ашылған үшінші гемодиализ орталығы. Орталық созылмалы бүйрек ауруына шалдыққан науқастар үшін тегін қызмет көрсетеді.Емделушілер аптасына кемінде үш рет 4 сағаттық ем алады.
Мұнда ем алушылардың қаны арнайы сүзгіден өтіп, тазартылады.Диализ залы заманауи медициналық қондырғылармен жабдықталған.

"BIOS" ЖШС 2000 жылдан бастап науқастарға диализ қызметін көрсетумен айналысып келеді.