№17 бірмандаттық аумақтық сайлау округі бойынша Орал қалалық мәслихатының шығып қалған депутатының орнына сайлауды тағайындау туралы Орал қаласы аумақтық сайлау комиссиясының 2025 жылғы 29 қаңтардағы № 4 қаулысы
№17 бірмандаттық аумақтық сайлау округі бойынша Орал қалалық мәслихатының шығып қалған депутатының орнына сайлауды тағайындау туралы
Орал қаласы аумақтық сайлау комиссиясының
2025 жылғы 29 қаңтардағы № 4 қаулысы
«Қазақстан Республикасындағы сайлау туралы» Қазақстан Республикасы Конституциялық заңының 14-бабының 2-3) тармақшасына, 101-бабының 1-тармағының 4) тармақшасына, 3-1 және 6-тармақтарына сәйкес Орал қаласының аумақтық сайлау комиссиясы ҚАУЛЫ ЕТЕДІ:
- №17 бірмандаттық аумақтық сайлау округі бойынша Орал қаласының шығып қалған мәслихат депутатының орнына сайлау 2025 жылғы 30 наурызға тағайындалсын.
- Кандидаттарды ұсыну мерзімі 2025 жылғы 29 қаңтардан 28 ақпанға дейін, кандидаттарды тіркеу мерзімі 2025 жылғы 5 наурызға дейін белгіленсін.
- Осы қаулыға қосымшаға сәйкес 2025 жылғы 30 наурызға тағайындалған, Орал қалалық мәслихатының шығып қалған депутатының орнына сайлауды әзірлеу мен өткізу жөніндегі негізгі іс-шаралардың күнтізбелік жоспары бекітілсін.
- Осы қаулы Орал қаласы әкімдігінің интернет-ресурсында және сайлауды тағайындау туралы хабарлама қалалық «Жайық үні», «Пульс» газеттерінде жариялансын.
Төраға М. Давлетжанов
Хатшы А. Жумина