2025 жылдың 2 наурыз күні Орал қаласы Круглоозерный кентінің әкімі сайлауы өтті.
Қазақстан Республикасының «Қазақстан Республикасындағы сайлау туралы» Конституциялық заңының 14 бабының 9) тармағы, 44 бабының 4 тармағы және 113-10 бабына сәйкес, Орал қаласы Круглоозерный кенті әкімінің сайлау қорытындысы туралы учаскелік сайлау комиссияларының хаттамалары негізінде Орал қаласының аумақтық сайлау комиссиясы сайлау қорытындысын анықтады:
Круглоозерный сайлау округі бойынша сайлаушылар тізіміне 4631 сайлаушы енгізілді, олардың 2101 дауыс беруге қатысты. Дауысқа түскен кандидаттардың жалпы саны – 3, есептен шығару куәліктері бойынша дауыс берген сайлаушылар жоқ, дауыс беруге арналған үй-жайдан тыс жерде дауыс берген сайлаушылардың саны – 130.
«Бәріне қарсымын» деген жолда белгісі бар бюллетеньдер саны – 33.
Жарамсыз деп танылған бюллетеньдердың саны – 73.
Әр кандидат үшін берілген дауыстар саны:
Негметов Аманбай Узакбаевичке – 1765, Нургалиев Дулат Маликовичке – 148, Оразов Рақымжан Нұрланұлына – 82.
Круглоозерный кентінің әкімі болып Негметов Аманбай Узакбаевич сайланды. 1988 жылы туған, Орал қаласы Круглоозерный кентінің әкімі, Орал қаласы Круглоозерный кентінде тұрады. Өзін- өзі ұсыну тәртібімен ұсынылған.
Орал қаласының аумақтық сайлау комиссиясы