АУЫЛ ШАРУАШЫЛЫҒЫ ЖАНУАРЛАРЫНЫҢ САУЛЫҒЫ– БАСТЫ НАЗАРДА
🔹Орынбай ауылында аудандық ветеринария бөлімінің басшысы Мұқанов Қанат Бейсенұлы ауыл тұрғындарымен кездесу өткізіп, ауыл шаруашылығы жануарлары арасында кездесетін аурулардың алдын алу бағытында кең көлемді түсіндірме жұмыстарын жүргізді.
🔹Кездесу барысында мал арасында жиі кездесетін жұқпалы және жұқпалы емес ауру түрлері, олардың пайда болу себептері, таралу жолдары және алдын алу шаралары жан-жақты түсіндірілді. Сондай-ақ, мал иелеріне ветеринариялық талаптарды сақтау, уақытылы екпе салдыру, малды күтіп-бағу ережелерін дұрыс орындау қажеттігі ерекше атап өтілді.
🔹Ауыл тұрғындары өздерін толғандырған сұрақтарын қойып, сала маманынан нақты жауаптар алды. Осындай түсіндірме жұмыстарының басты мақсаты – ауыл шаруашылығы жануарларының саулығын сақтау, аурулардың алдын алу және халықтың ветеринариялық сауаттылығын арттыру болып табылады.
АУЫЛ ТҰРҒЫНДАРЫМЕН КЕЗДЕСУ ӨТКІЗІЛДІ
◽️Орынбай ауылының әкімі Жүнісбеков Жұбаныш Бейбітұлы ауыл тұрғындарымен кездесу өткізді.
▫️Кездесу барысында ауылдың әлеуметтік-экономикалық дамуы, өзекті мәселелер және алдағы жоспарлар талқыланды.
▫️Тұрғындар өз ұсыныс-пікірлерін білдіріп, сұрақтарына жауап алды.
2024жылдың 24 шілде күні Орынбай ауылында "Таза Қазақстан" акциясы аясында жалпыоблыстық сенбілік ұйымдастырылды.
Бүгін ауыл әкімі Ж.Жунусбеков сала мамандарымен аппараттық жиын өткізді.
Күн тәртібінде: ауыз су, мал сою алаңы, суға шомылу маусымы бойынша мәселелер қаралды. Жиын барысында алдағы атқарылатын іс-шаралар нақтыланып, тиісті тапсырмалар берілді.
БАЛАЛАР ОЙЫН АЛАҢЫНЫҢ АШЫЛУ САЛТАНАТЫ ӨТТІ
Бүгін 15 шілде күні Орынбай ауылында балалар ойын алаңының ашылу салтанаты өтті.
Кіріспе сөз ауыл әкімі Ж.Жунусбековке берілді.
Ауылымыздың “Алтын алқа” иегерлері, батыр аналарымыз Сыздықова Қадиша мен Баянова Кенжеш қызыл лента қию рәсімін орындап, шашу шашты.
Ақсақалдар алқасы төрағасы Амиржанов А., қоғамдық кеңес төрағасы Шуданбеков Ш. , ардагер ұстаз Тишмағанбетова А. бүлдіршіндерге бақытты балалық шақ тілеп, ыстық ықыластарын жаудырды.
Шара соңында барлық балаларға тегін балмұздақтар таратылды.
Елдімекендерді абаттандыру бағдарламасы аясында балалар ойын алаңын орнату жұмыстарын жүргізуге жергілікті бюджеттен 2 млн 400 мың теңге қаражат жұмсалды. Мердігері: жеке кәсіпкер: “Махаева К.С”
АППАРАТТЫҚ КЕҢЕСТЕ
◽️Бүгін ауыл әкімдігінде кезекті аппараттық жиналыс өтті.
◽️Кеңесте күн тәртібіне қойылған мәселелер талқыланды.
◽️Тоқталатын болсақ, балалар ойын алаңын құрылысы аяқталуы, мал бағылымы, ауыз су мәселелері қаралды
Бүгін ауыл әкімі Ж.Жунусбеков сала мамандарымен аппараттық жиын өткізді.
Күн тәртібінде: ауылда атқарылып жатқан жұмыстар (ойын алаңы, тұрғын үй салу т.б.) мәселелер қаралды. Жиын барысында алдағы атқарылатын іс-шаралар нақтыланып, тиісті тапсырмалар берілді.