2024 жылдың 06 ақпанында Ұлытау облысы әкімінің орынбасары Ұ.Т.Үсеновтың төрағалығымен әлеуметтік әріптестік пен әлеуметтік және еңбек қатынастарын реттеу жөніндегі облыстық үшжақты комиссияның жоспарлы отырысы өтті.
Комиссия отырысына әлеуметтік әріптестік тараптарының өкілдері мен шақырылғандар қатысты.
Отырыста шағын және орта кәсіпкерлік субъектілерін мемлекеттік қолдау шаралары, бизнесті ашу үшін шығындар мен кедергілерді азайту туралы; міндетті зейнетақы жарналары мен әлеуметтік аударымдарды аудару жағдайы туралы; облыс кәсіпорындарындағы қызметкерлер алдында жалақы төлеу бойынша берешек туралы мәселелер қаралды.
Барлық мәселелер қаралып, қалалар мен аудандар әкімдіктеріне тапсырмалар берілді.
Сонымен қатар, бизнестің әлеуметтік жауапкершілігі жөніндегі
«Парыз» конкурсының республикалық кезеңіне қатысқан облыстың кәсіпорындары мен ұйымдарына Қазақстан Республикасының Еңбек және халықты әлеуметтік қорғау министрі С. Жақыпованың қолы қойылған алғыс хаттар табысталды.