Сәтбаев қаласының салық салу объектілерінің орналасқан жерін ескеретін  аймақтарға бөлу коэффициенттерін бекіту туралы

 

 

 

        Қазақстан Республикасының  2017 жылғы 25 желтоқсандағы «Салық және бюджетке төленетін басқа да міндетті төлемдер туралы (Салық кодексі)»  Кодексінің 529 бабының 6 тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 29 бабының 2 тармағына, сондай-ақ Қазақстан Республикасы Ақпарат және коммуникациялар  министрлігінің               2018 жылғы 12 қарашадағы № 475 «Аймаққа бөлу коэффициентін есептеу әдістемесін бекіту туралы» бұйрығына сәйкес, Сәтбаев қаласының әкімдігі ҚАУЛЫ ЕТЕДІ:

1. Осы қаулының 1 және 2 қосымшаларына сәйкес Сәтбаев қаласының салық салу объектілерінің орналасқан жерін ескеретін аймақтарға бөлу коэффициенттері бекітілсін.
2. «Сәтбаев қаласының әкімінің аппараты» мемлекеттік мекемесі:

1) осы қаулыны Қазақстан Республикасы Әділет министрлігінде мемлекеттік тіркеуді;

2) осы қаулы мемлекеттік тіркелген күннен бастап күнтізбелік он күн ішінде баспа басылымдарында ресми жариялауды;

3) осы қаулыны Сәтбаев қаласы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау қала әкімінің орынбасары Д.Қ. Жүнісбековке жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

 Қала әкімі                                                                                           А. Ыдырысов