БҰҚАРАЛЫҚ АҚПАРАТ ҚҰРАЛДАРЫ МЕН ОНЛАЙН-ПЛАТФОРМА ПАЙДАЛАНУШЫЛАРЫНА АРНАЛҒАН САЙЛАУ АЛДЫНДАҒЫ ҮГІТ МАТЕРИАЛДАРЫН ОРНАЛАСТЫРУ ҚҰНЫ МЕН ШАРТТАРЫ ТУРАЛЫ МӘЛІМЕТТЕРДІ ЖАРИЯЛАУ ЖӨНІНДЕГІ АҚПАРАТТЫҚ ХАБАРЛАМА
Қазақстан Республикасының «Қазақстан Республикасындағы сайлау туралы» Конституциялық заңының 28-бабының 3-тармағына сәйкес бұқаралық ақпарат құралдары мен онлайн-платформа пайдаланушылары сайлау алдындағы үгітті жүргізу басталғанға дейін бес күннен кешіктірмей, яғни 2026 жылғы 27 қазанға дейін, шарт негізінде ұсынылатын үгіт материалдарын орналастырудың құны мен шарттары туралы мәліметтерді жариялауға және оларды бұқаралық ақпарат құралдарында жариялап, аумақтық сайлау комиссиясына ұсынуға міндетті. Мекенжайы: Сәтбаев қаласы, Сәтбаев даңғылы, 111, 64–65-кабинеттер. Эфир уақытын, баспа алаңын және ақпарат көлемін шарт негізінде ұсынатын бұқаралық ақпарат құралдары мен онлайн-платформа пайдаланушылары үгіт материалдарын орналастырудың құны мен шарттары туралы мәліметтер жарияланғанға дейін партиялық тізімдерін ұсынған саяси партиялардың және бірмандатты аумақтық сайлау округтері бойынша кандидаттардың үгіт материалдарын орналастыруға және таратуға құқылы емес. Үгіт материалдарын орналастырудың құны мен шарттары туралы мәліметтерді мына электрондық пошта мекенжайына жіберуге болады: tic_kar_sat@saylau.kz.