2026 жылғы 15 наурызда өтетін республикалық референдумды өткізудің ерекшеліктері туралы

Осы тақырып бойынша Сәтбаев қаласының аумақтық референдум комиссиясының оқу жоспарына сәйкес учаскелік референдум комиссияларының төрағалары, төраға орынбасарлары және хатшыларымен семинар-кеңес өткізілді.

Сәтбаев қаласының аумақтық референдум комиссиясының төрағасы Е. Смағұлов өз сөзінде референдумды өткізудің кезеңдеріне, учаскелік комиссиялардың қызметін ұйымдастырудың негізгі қағидаттарына, сайлау заңнамасына сәйкес құқықтық нормаларды сақтау мәселелеріне, сондай-ақ мүгедектігі бар азаматтардың сайлау құқықтарын қамтамасыз етуге жан-жақты тоқталды.

Семинар сайлау процесіне қатысушыларды оқыту жөніндегі іс-шаралар жоспарын іске асырудың бастамасы болды, бұл электоралдық кезеңде комиссия мүшелерінің кәсіби жұмысының маңызды құрамдас бөлігі болып табылады.