Қаулы №54/02, 19.12.2024
Қазақстан Республикасының 2003 жылғы 20 маусымдағы Жер Кодексінің 84, 85, 86, 87, 88 баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына, Қазақстан Республикасының 2011 жылғы 1 наурыздағы «Мемлекеттік мүлік туралы» Заңының 63 бабына, «ҚазАвтожол» АҚ-ның 2023-2032 жылдарға арналған Даму жоспарына (ҚР Үкіметінің 2022 жылғы 30 желтоқсандағы №1130 санды қаулысы), Қазақстан Республикасының көлік-логистикалық әлеуетін 2030 жылға дейін дамыту (ҚР Үкіметінің 2022 жылғы 30 желтоқсандағы №1116 санды қаулысы), және Қазақстан Республикасының Премьер-Министрі О.Бектеновтың «Автомобиль жолдары саласын дамыту туралы» 09.07.2024 жылғы №21 хаттамасына сәйкес, «Қызылорда-Павлодар-Успенка-РФ шекарасы» Республикалық маңызы бар автомобиль жолының 12-424 шақырымын (Қызылорда-Жезқазған» автокөлік жолы) реконструкциялау жоспарлануына байланысты Ұлытау ауданының әкімдігі ҚАУЛЫ ЕТЕДІ:
- Қосымшаға сәйкес, жер телімдерін мемлекет мұқтажы үшін мәжбүрлеп иеліктен шығару басталсын.
- Осы қаулы ресми жарияланған күннен кейін 3 (үш) ай өткен соң мәжбүрлеп иеліктен шығару күнінің бастау күні болып белгіленсін.
- «Ұлытау ауданының жер қатынастары, сәулет және қала құрылысы бөлімі» мемлекеттік мекемесі Қазақстан Республикасының "Мемлекеттік мүлік туралы" Заңында қарастырылған осы қаулы жарияланғаннан кейін күнтізбелік 3 (үш) күннен кешіктірілмейтін мерзімде жер пайдаланушыларға мемлекеттік мұқтажы үшін жер телімдері алдағы уақытта мәжбүрлеп иеліктен шығарылатыны туралы жазбаша хабарлама жолдасын.
- Келісу рәсімдерін жүзеге асыру үшін меншік иесі Ұлытау облысы, Ұлытау ауданы, Ұлытау ауылы, Абай көшесі, 22 мекенжайдағы «Ұлытау ауданының жер қатынастары, сәулет және қала құрылысы бөлімі» мемлекеттік мекемесіне хабарлассын.
- «Ұлытау ауданы әкімінің аппараты» мемлекеттік мекемесі заңнамамен белгіленген тәртіпте осы қаулы шыққан уақыттан бастап 3 (үш) жұмыс күні ішінде осы қаулының әділет органдарында тіркелуін, ресми жариялануын қамтамасыз етсін және оның орындалуы бойынша қажетті басқа да шараларды қабылдасын.
- «Ұлытау ауданының жер қатынастары, сәулет және қала құрылысы бөлімі» мемлекеттік мекемесі барлық уәкілетті мемлекеттік органдармен бірлесіп, Қазақстан Республикасының қолданыстағы заңнамасына сәйкес осы қаулыдан туындайтын қажетті шараларды қабылдасын.
- Осы қаулының орындалуы аудан әкімінің орынбасары Сакипов Алмат Қайратұлына жүктелсін.