Жас мамандардың сайлауға қатысуы туралы сұхбаты
«Сайлауға қатысу маңызды ма?» деген сұраққа бірден «Әрине!» деп жауап бергім келеді. Себебі, тәуелсіз қазақ елінің байрағы биікте желбіреп, шаңырағына ырыс-құт қонсын деген азаматтардың барлығы үшін сайлау өте маңызды, тарихи сәт деп ойлаймын.
Әсіресе, жастар үшін, қазақ елінің жас буыны үшін сайлауға қатысу өте маңызды деп білемін. Сайлау - жастарға жан-жақты дамуы мен өз білімдерін елдің баянды болашағы үшін жұмсауға мүмкіндік ашатын жаңа кезең деген ойдамын. Елімізде өтетін әр сайлау – біздің болашағымыз!
Сайлауға барудың тағы бір себебі - азаматтық ұстанымының көрінісі. Өйткені болашақ әрқайсымыздың іс-әрекетімізге байланысты. Белсенді азаматтық ұстаным қоғамдық өмірге қатысуды, құқықтарды іске асыруға ұмтылуды, өзінің саяси мәдениетін арттыруды білдіреді. Азаматтық ұстанымды көрсете отырып, біз жақындарымызға, туыстарымызға және достарымызға үлгі боламыз.
Құрметті жастар! Сайлауга қатысу - әрбір азаматтың борышы. Бәріміз ынтымақта болып, белсенділігімізді көрсетіп, еліміздің гүлденуіне, кемелденуіне, мемлекетіміздің мызғымас іргетасын қалауға өз үлесімізді қосайық!
Сатанова Назгүл
Қаражал қаласы әкімі аппаратының баспасөз хатшысы