Қаражал қаласында 2023 жылы мемлекеттік және ағылшын тілдерін оқытуға 500 мың тг. бөлініп, 20 адам мемлекеттік тілді 30 адам ағылшын тілі курстарына қатысып, сертификатқа ие болды.
Мемлекеттік тілдің мәртебесін арттыру мақсатында Қаражал қаласының 60 жылдығына орай «Шырайлы аты елімнің — қасиетінде жерімнің» шығарма жазу байқауы, мемлекеттік қызметкерлер «Елім деп соққан жүрегім» байқауы және «Үздік мақала» байқауы және т.б. іс-шаралар ұйымдастырылды.
2023 жылдың наурыз айында мемлекеттік тілді үйрену бойынша қалалық ішкі саясат, мәдениет, тілдерді дамыту және спорт бөлімінің жанынан «Сөйле time» клубы ашылды. Клубқа әр түрлі ұлт өкілдерінің 15 адамы қатысады.
Жетістіктер:
2023 жылғы мамыр айында «Ұлытау – ұлы өлкем, ұлық далам» атты облыстық көркемсөз оқу байқауында жерлесіміз Мұхтарова Гүлсезім бас жүлдеге ие болды.
Жерлесіміз Иван Сергейұлы Иванов «Мемлекеттік тіл – мәңгілік елдің мәңгілік тілі» атты облыстық фестиваль аясында 25 қазан Республика күніне орай өзге ұлт жастары арасында «Отан – тарих, Отан – тіл» тақырыбында мәнерлеп оқу байқауына қатысып, Бас жүлдені жеңіп алды.
2024 жылы тілдерді оқытуға жергілікті бюджеттен 1 000 000 тг. көлемінде қаражат бөлініп, 30 адамды мемлекеттік тілге және 30 адамды ағылшын тіліне оқыту жоспарлануда.
Тілдерді дамытуға арналған іс-шараларға 500 000 тг. көлемінде қаражат бөлініп, іс-шаралар жоспары жасалды.