Қаражал қалалық аумақтық сайлау комиссиясы 2025 жылғы 22 маусымға тағайындалған Ұлытау облысы Қаражал қаласы Жәйрем кенті әкімінің сайлауын тағайындау туралы Қаражал қалалық аумақтық сайлау комиссиясы 2025 жылғы 14 мамырдағы № 4 қаулысының негізінде хабарлайды:
2025 жылғы 27 мамыр сағат 18.00-де кандидаттарды ұсыну кезеңі аяқталды.
2025 жылғы 15 мамырдан 27 мамыр сағат 18:00-ге дейінгі кезеңде Жәйрем кентінің әкімі лауазымына 3 кандидат ұсынылды. Оның ішінде саяси партиялардан – 1, өзін – өзі ұсыну тәртібімен-2. Ұсынылған үміткерлердің арасында 2 ер адам және 1 әйел бар.
Үміткерлердің орташа жасы – 50 жас. Ең жас үміткер 50 жаста, үміткерлер арасында ең үлкен жас – 59 жаста.
Мамандықтар бойынша: 1 кандидат – тасымалдау және жол қозғалысын ұйымдастыру, 1 кандидат – мәдениеттану, 1 кандидат – экономист, мемлекеттік және жергілікті басқару.
Ұсынылған кандидаттардың ішінде: 2 – мемлекеттік қызметші.
Қазіргі уақытта ұсынылған кандидаттардың заңнама талаптарына сәйкестігін анықтау және кандидаттардың сенімді тұлғаларын тіркеу бойынша іс-шаралар жүргізілуде. Тіркеу 2025 жылдың 1 маусымында сағат 18-00-де аяқталады.
Кандидаттар шығып қалған және баламасы болмаған жағдайда (сайлау округінде екіден аз кандидат) ұсыну мерзімі заңнамаға сәйкес бес күннен аспайтын мерзімге ұзартылады.
"Қазақстан Республикасындағы сайлау туралы" Қазақстан Республикасы Конституциялық заңының 113-5-бабының 9-тармағына сәйкес кандидаттарды тіркеу қорытындылары туралы ресми ақпарат БАҚ-та жарияланатын болады.
ҚАРАЖАЛ ҚАЛАЛЫҚ АУМАҚТЫҚ САЙЛАУ КОМИССИЯСЫ