бюджет, экономикалық реформалар, аймақтық даму сұрақтары
жөніндегі тұрақты комиссиясы төрағасының есебі
Құрметті депутаттар!
«Қазақстан Республикасындағы жергілікті мемлекеттік басқару мен өзін-өзі басқару туралы» Қазақстан Республикасының Заңының 12 бабына сәйкес мәслихат өзінің жұмыс уақытына тұрақты комиссия құрады.
VIII шақырылған аудандық мәслихаттың бюджет, экономикалық реформалар, аймақтық даму сұрақтары жөніндегі тұрақты комиссиясы мәслихаттың бірінші ұйымдастыру сессиясында құрылған, комиссия төрағасы міндеті маған жүктелді.
Тұрақты комиссия құрамына менен басқа келесі депутаттар кіреді: Али Думанайұлы Мусин, Василий Васильевич Гладышев, Тұрсынхан Тоқтағалиұлы Айтымбетов, Сергей Анатольевич Кучерин.
Тұрақты комиссияның өзінің активі бар, оның құрамына кейбір аудандық ұйымдар мен мекемелердің басшылары, аудандық әкімдіктің бөлімдерінің басшылары енген, біз олармен бірге кезекті сессияға және тұрақты комиссияның отырыстарына бірлесе дайындық жүргіземіз.
Тұрақты комиссияның қызметі есепті кезең ішінде қолданыстағы заңнамаға, Ұлан аудандық мәслихатының регламентіне және жоспарына сәйкес жүзеге асырылды. Заң нормаларына сәйкес жыл сайын аудандық мәслихатта тұрақты комиссиямен атқарылған жұмыстар қорытындыланады. Өздеріңіз білетіндей наурыз айында өткен сайлаудан бері комиссия құрамы қалыптасып 2,3 және бүгін 4 тоқсандағы кезекті тұрақты комиссия отырысы болып өтті.
Аудандық мәслихат қызметінде бюджетті қалыптастыру, экономиканы дамыту, аймақты дамыту мәселелері басты мәселелердің бірі болып табылады.
Сессияларға дайындық, ауданның тыныс – тіршілігінің өзекті мәселелерін қарау және өзекті шешімдер қабылдау-депутаттардың басты міндеті.
Есепті кезеңде 2023-2025 жылдарға арналған аудандық бюджетке 6 мәрте өзгеріс енгізілді және кірістердің түсуін қамтамасыз ету және алынған міндеттемелердің орындалуын қамтамасыз ету мақсатында кенттер мен ауылдық округтер бюджеттеріне 5 мәрте өзгертілді:
- бюджет қаражатының бос қалдықтары бөлінді;
- бюджеттің кіріс және шығыс бөліктері түзетілді;
- жоғары тұрған бюджеттерден нысаналы трансферттер нақтыланды.
Есепті кезеңде 2022 жылға арналған аудан бюджетінің атқарылуы туралы мәселе қаралды. Мәселені қарау кезінде комиссия бюджеттің атқарылуы бойынша қорытынды дайындады, сондай-ақ сессияда облыстың тексеру комиссиясының қорытындысы ұсынылды, олар кейіннен мәслихат шешімінде көрсетілді.
Барлық салалар бойынша нақты мақсаттарды, міндеттерді, қол жеткізу индикаторларын және барлық көздерден шығындардың болжамды көлемін айқындай отырып, әлеуметтік-экономикалық дамудың барлық бағыттары бойынша іске асырылатын Шығыс Қазақстан облысының аумақтарды дамыту бағдарламасын іске асыру барысы туралы мәселе қаралады. Аумақты дамыту бағдарламасында көзделген индикаторлар мен көрсеткіштерді орындауға республикалық және облыстық бюджеттерден қаражат, сондай-ақ меншікті және қарыз қаражаты тартылды.
Бюджет қаражатын тиімді пайдалану және нысаналы индикаторларға қол жеткізу бойынша тұрақты комиссия отырысында ауданымыздың Тарғын, Таврия және Төлеген Тоқтаров ауылдық окургтерінің бюджеттерінің орындалуы туралы округ әкімдерінің есептері тыңдалды және тиісті қаулы қабылданып кезекті сессияға қарауға енгізілді.
Ауданның әлеуметтік-экономикалық дамуы бойынша атқарушы органдар қызметінің нәтижелілігін терең талдаудың тиімді нысаны аудан әкімінің өзіне жүктелген функциялар мен міндеттерді орындау туралы жыл сайынғы дәстүрлі есептері болды.
Сондай-ақ, тұрақты комиссияның отырыстарында ауданда шағын және орта бизнесті дамыту бойынша мемлекеттік бағдарламалардың 2022 жыл көлемінде және 2023 жылдың 1 жартыжылдығында іске асырылуы туралы аудандық кәсіпкерлік және ауыл шаруашылығы бөлімінің басшысының есебі қаралды, Т. Тохтаров ауылдық округі әкіміне жүктелген функциялар мен міндеттердің орындалуы туралы округ әкімі есеп берді, ауданның 2024-2026 жылдарға арналған аудандық бюджетінің жобасын экономика және бюджеттік жоспарлау бөлімінің басшысы ұсынды және комиссия қаулысына сәйкес кезекті сессия қарауына енгізілді. Ауданның агроөнеркәсіп кешенінің жағдайы мен даму болашағы туралы ауданның кәсіпкерлік және ауылшаруашылығы бөлімі басшысының есебі тыңдалды және басқа да мәселелер қаралды.
Жоғарыда аталған мәселелерге комиссия мүшелері бастамашылық етті, оларды қарау кезінде олар белсенді қатысып, нақты ұсыныстар енгізді. Мәселелерді қарау нәтижелері бойынша комиссия маңызды және іскерлік ұсынымдардан тұратын қаулылар шығарады.
Есептік кезеңде 14 сессия өткізілді, оның ішінде, 1 ұйымдастыру сессиясы, 3 кезекті және 10 кезектен тыс сессия. Мәслихаттың нормативтік-құқықтық сипаттағы, заң сараптамасынан өткен және нормативтік құқықтық актілердің мемлекеттік тізіліміне енгізілген 6 шешімі қабылданды.
Комиссия мүшелерінің қызметінде ауылдық округтердегі жұмыс маңызды орын алады. Депутаттар азаматтардың өтініштерін қарайды және өз құзыреті шеңберінде халықтың проблемаларын шешуге көмек көрсетеді.
Депутаттар Ұлан ауданының аумағында өткен қоғамдық тыңдауларға, көшпелі отырыстарға, саяси кеңестің отырыстарына, сондай-ақ аудан әкімдігі мен ауылдық округтердің әкімдері ұйымдастырған іс-шараларға белсенді қатысады, Қоғамдық кеңестің құрамына және ауылдық округтердің жергілікті қоғамдастығына, сондай-ақ аудан әкімдігінің әртүрлі ведомствоаралық комиссияларына кіреді.
Бұдан басқа, депутаттар өз қызметін «Amanat» партиясының депутаттық фракциясында жүзеге асырады, онда жеке мәселелер бойынша тоқсан сайынғы кездесулер өткізіледі.
Депутаттар қоғамдық негізде жұмыс істесе де, өмір жоғары талаптар қояды. Уақыт жергілікті жерлердегі өкілді және атқарушы биліктің тығыз өзара іс-қимылын, тату әрі жауапты жұмысын талап етеді. Біздің міндетіміз ортақ – бұл Ұлан ауданын одан әрі дамыту.
Барлық депутаттарға, аудандық мәслихат аппаратына, әкімдік қызметкерлеріне бірлескен жұмыс үшін алғысымды білдіремін және барлығымызға табыс тілеймін.
Қорытындылай келе, бюджет, экономикалық реформалар, аймақтық даму сұрақтары жөніндегі тұрақты комиссия бюджет және әлеуметтік-экономикалық даму мәселелері жөніндегі мемлекеттік саясаттың іске асырылуын бақылауды жүзеге асыру үшін өз қызметінің нысандары мен әдістерін одан әрі жетілдіру жөніндегі жұмысты жалғастыратынын айтқым келеді.
Назарларыңызға рақмет.