«Д.Қонаев атындағы орта мектебі» коммуналдық мемлекеттік мекемесі Алматы облысына қарасты Ұйғыр ауданының жер көлемінен орын тепкен, табиғаты сұлу, ауасы жұпар, көбігі көкке шапшыған асау Шарын өзенінің атымен аталатын Шарын ауылында орналасқан. Егемендіктің алғашқы жылдарында 1992 жылы көрші М.Хамраев атындағы орыс, ұйғыр тілінде оқытылатын мектептен бөлініп, жеке отау құрды. Бүгіндері қанатын кеңге жайған, 350-ге жуық оқушысы бар, білім беру жүйесін жаңғырту жолында еңбек етіп жатқан аудандағы іргелі білім беру мекемелерінің бірі.
Білімнің қайнар көзі мектепте десек, мектепті дамыту үшін жаңа ұғым, жаңа әдіс-тәсілдер, жаңа көзқарас қажет. Заманауи тәсілдің ең негізгі ерекшелігі – оқушылардың алған білімдерін жай ғана иеленіп қоймай, оларды орынды жерде қолдана білуіне басты назар аудару болып табылады. Педагог кадрлардың қазіргі заман талабына сай білім саясатындағы өзгерістер мен жаңалықтарға бейімделуі басты рөл атқаруда. «Адамның адамшылығы ең алдымен жақсы ұстаздан» деп ұлы Абай айтқандай, оның бірден-бір көрінісі мұғалім шығармашылығы мен кәсіби құзыреттілігі. Білімнің сапалы болуы тікелей мұғалімге, оның білім дәрежесі мен іздену шеберлігіне де байланысты. Өскелең ұрпақты отансүйгіш, ұлтжанды, жарқын болашаққа сеніммен қарайтын зиялы азамат