Кепебұлақ ауылы тұрғындарымен ашық кездесу өтті
Бүгін, 23 қыркүйек күні Кетпен ауылдық округінің әкімі Умбетжанов Марат Нұрахметұлы Кепебұлақ ауылының тұрғындарымен кезекті есеп беру кездесуін өткізді.
Кездесудің басты мақсаты – ауыл тұрғындарымен ашық пікір алмасып, елді мекеннің әлеуметтік-экономикалық дамуы, атқарылып жатқан жұмыстар мен алдағы міндеттер туралы ақпарат беру, сондай-ақ тұрғындардың ұсыныс-пікірлері мен өзекті мәселелерін тыңдау.
Жиын барысында ауыл әкімі атқарылған жұмыстарға тоқталып, алдағы кезеңге жоспарланған міндеттерді атап өтті. Өз кезегінде Кепебұлақ ауылының тұрғындары көкейде жүрген сауалдарын ашық қойып, ауылдың тұрмыс-тіршілігіне қатысты өз ұсыныстары мен талап-тілектерін жеткізді.
Тұрғындар тарапынан көтерілген әрбір мәселе назардан тыс қалмай, қойылған сұрақтарға нақты жауаптар берілді. Бірқатар мәселелер бойынша тиісті түсіндірмелер жасалып, алдағы уақытта шешімін қажет ететін ұсыныстар назарға алынды.
Осындай есеп беру кездесулері – билік пен халық арасындағы ашық байланысты нығайтып, тұрғындардың талап-тілегін тікелей тыңдауға мүмкіндік беретін маңызды алаң. Ауылдың әл-ауқатын арттыру, тұрғындарға қолайлы жағдай қалыптастыру
КЕТПЕН АУЫЛДЫҚ ОКРУГІ ӘКІМІНІҢ ХАЛЫҚ АЛДЫНДАҒЫ ЕСЕП БЕРУ КЕЗДЕСУІ ӨТТІ
Бүгін сағат 10:00-де С. Мошанұлы атындағы мәдениет үйінде Кетпен ауылдық округінің әкімі Марат Үмбетжановтың ауыл тұрғындарымен кезекті есеп беру кездесуі өтті.
Кездесу барысында ауылдық округтің атқарған жұмыстары, жүзеге асырылған жобалар және алдағы кезеңге жоспарланған жұмыстар туралы ақпарат берілді.
Сонымен қатар, тұрғындар тарапынан бірқатар сұрақтар қойылып, ұсыныс-пікірлер айтылды. Ауыл әкімі тұрғындардың сауалдарына жауап беріп, көтерілген мәселелер бойынша тиісті түсіндірмелер берді.
Кездесу ашық пікір алмасу форматында өтіп, тұрғындардың ұсыныстары мен талап-тілектері назарға алынды.
«Мектепке жол» – мейірімнен басталған ізгі қадам! 📚🎒✨
Жаңа оқу жылы – әр бала үшін жаңа арман, жаңа мақсат пен үлкен үміттің бастауы. Осы орайда «Мектепке жол» акциясы аясында Кетпен ауылдық округі әкімі аппаратының мамандары Кетпен және Кепебұлақ мектептеріне барып, оқушыларға жаңа оқу жылына қажетті оқу құралдарын табыстады.
Бұл – жай ғана мектеп құралдарын сыйлау емес, баланың қуанышын бөлісу, білімге деген құлшынысын қолдау, болашағына сенім білдіру.
Әрбір баланың жүзіндегі қуаныш – біз үшін ең үлкен марапат. Өйткені балаға жасалған қамқорлық – елдің ертеңіне жасалған қамқорлық. 🌿
📚 Білімге бастар жолдарың ашық болсын!
🎒 Оқу құралдарың жаңа жетістіктерге бастасын!
✨ Армандарың асқақ, қадамдарың нық болсын, жас өрендер!
«Мектепке жол» – жүректен шыққан жылулық, болашаққа бағытталған игі қадам! 🇰🇿
Халықтың игілігі – басты назарда!
Кетпен ауылдық округінде тұрғындарды сапалы ауыз сумен қамтамасыз ету бағытында маңызды жұмыстар қарқынды жүргізілуде. Ел игілігі үшін су құбырлары мен ысырмалар кезең-кезеңімен жаңартылып, инженерлік инфрақұрылым жүйесі жетілдірілуде.
Жүргізіліп жатқан жұмыстардың сапасы мен мерзімінде орындалуын қамтамасыз ету мақсатында Кетпен ауылдық округінің әкімі нысандарды аралап, жұмыс барысын жеке бақылауына алып, мердігер ұйым өкілдеріне тиісті тапсырмалар берді.
Бұл жұмыстардың басты мақсаты – тұрғындарға үздіксіз әрі сапалы ауыз су жеткізіп, ауылдың инженерлік инфрақұрылымын жаңғырту және халықтың тұрмыс сапасын арттыру.