Бүгін мәслихат төрағасы Сәниев Сапар Қапарұлы азаматтарды қабылдады. Қабылдауға Кішкенекөл және Көктерек ауылдарының тұрғындары жүгінді.
Талқылаудың негізгі тақырыбы Кішкенекөл ауылындағы Назым Балтабаев көшесін жөндеу мәселесі болды. Тұрғынның айтуынша, жол жамылғысы қанағаттанарлықсыз жағдайда және шұғыл шара қолдануды қажет етеді. Осыған байланысты, мәслихат төрағасы Кішкенекөл ауылдық округінің әкіміне осы мәселені қарастыру және шаралар қабылдау үшін депутаттық сауал жолдады.
Сонымен қатар, Кішкенекөл-Мортық ауылдары арасындағы жолды жөндеу мәселесі көтерілді. Мәслихат төрағасы осы бағыт бойынша жұмыстар жоспарланғанын және облыстық тиісті басқармаға қажетті ақшалай қаражат бөлінгенін, бүгінгі күні конкурстық процедуралар жүріп жатқандығын түсіндірді.