6 мамыр күні Уәлиханов ауданы мәслихатының депутаты Сатыбалдин Амңгелді Солтанұлы азаматтарды жеке қабылдау өткізді.
Қабылдауға Бидайық ауылының тұрғыны, Бидайық орта мектебінің шаруашылық меңгерушісі Мажитов Нурхат Камбарұлы келіп, маңызды мәселені көтерді: соңғы үш жыл бойы мектеп ғимаратының жертөлесінде жыл мезгіліне қарамастан үнемі су тұрады. Мектепте күн сайын су сорылады, бірақ деңгейі төмендемейді — жертөле ылғал, қабырғалар дымқылданған, зең пайда болған, іргетас бұзыла бастады. Бұл жағдай ғимаратқа және балалардың қауіпсіздігіне елеулі қатер төндіреді.
Қабылдау қорытындысы бойынша депутат білім басқармасына ғимаратты тексеріп, су басу көзі мен себебін анықтау және қауіптің алдын алу бойынша шұғыл шаралар қабылдау туралы ресми депутаттық сауал жолдады.
Мәселе бақылауға алынды.